ལྷོ་ཁ་གྲོང་ཁྱེར་སྣེ་གདོང་ཆུས་ནགས་ལས་དང་རྩྭ་ཐང་ཅུད་ཀྱི་ཏང་ཙུའུ་ཧྲུའུ་ཅི་དང་། ཅུད་ཀྲང་ཏིང་ཧྭ་སྒྲིག་ཁྲིམས་དང་བཅའ་ཁྲིམས་ལས་ཚབས་ཆེན་འགལ་བའི་དོགས་གཞི་ཡོད་པས། མིག་སྔར། ལྷོ་ཁ་གྲོང་ཁྱེར་སྒྲིག་ཨུད་ལྟ་ཨུད་ཀྱིས་སྒྲིག་ཁྲིམས་ཞིབ་བཤེར་དང་ལྟ་སྐུལ་ཞིབ་བཤེར་བྱ་རྒྱུར་དང་ལེན་བྱེད་བཞིན་ཡོད་པ་རེད།
ཏིང་ཧྭ་ཡི་ངོ་སྤྲོད་མདོར་བསྡུས།
ཏིང་ཧྭ། ཕོ། རྒྱ་རིགས། སྤྱི་ལོ་༡༩༧༩ལོའི་ཟླ་༦པར་སྐྱེས། ཧུའུ་པེ་ཞིང་ཆེན་ཀོང་ཨན་རྫོང་གི་མི་ཡིན། སྤྱི་ལོ་༢༠༠༤ལོའི་ཟླ་༡༠པར་ཀྲུང་གོ་གུང་ཁྲན་ཏང་ནང་ཞུགས། སྤྱི་ལོ་༢༠༠༢ལོའི་ཟླ་༧པར་ལས་ཀར་ཞུགས་པ་དང་ཤེས་རམས་ཞིབ་འཇུག་སློབ་མའི་ཡོན་གནས་ལྡན།
༢༠༠༢ལོའི་ཟླ་༧ནས་༢༠༡༠ལོའི་ཟླ་༨པའི་བར། ལྷོ་ཁ་ས་གནས་སྣེ་གདོང་རྫོང་རྒྱལ་ཁོངས་ཐོན་ཁུངས་ཅུད་ཀྱི་ཁོའོ་ཡོན་བྱས།
༢༠༡༠ལོའི་ཟླ་༨ནས་༢༠༡༣ལོའི་ཟླ་༥པའི་བར། ལྷོ་ཁ་ས་གནས་སྣེ་གདོང་རྫོང་ཁོར་ཡུག་སྲུང་སྐྱོབ་ཅུད་ཀྱི་ཅུད་ཀྲང་གཞོན་པ་བྱས།
༢༠༡༣ལོའི་ཟླ་༥ནས་༢༠༡༥ལོའི་ཟླ་༥པའི་བར། ལྷོ་ཁ་ས་གནས་སྣེ་གདོང་རྫོང་ཨུད་རྩ་འཛུགས་པུའུ་ཡི་པུའུ་ཀྲང་གཞོན་པ་བྱས།(ཁོའོ་རིམ་པ་རྒན་པ)
༢༠༡༥ལོའི་ཟླ་༥ནས་༢༠༡༦ལོའི་ཟླ་༥པའི་བར། ལྷོ་ཁ་ས་གནས་སྣེ་གདོང་རྫོང་ནགས་ལས་ཅུད་ཀྱི་ཅུད་ཀྲང་བྱས།
༢༠༡༦ལོའི་ཟླ་༥ནས་༢༠༡༩ལོའི་ཟླ་༣པའི་བར། ལྷོ་ཁ་གྲོང་ཁྱེར་སྣེ་གདོང་ཆུས་ནགས་ལས་ཅུད་ཀྱི་ཅུད་ཀྲང་བྱས།
༢༠༡༩ལོའི་ཟླ་༣ནས་༢༠༢༠ལོའི་ཟླ་༦པའི་བར། ལྷོ་ཁ་གྲོང་ཁྱེར་སྣེ་གདོང་ཆུས་ནགས་ལས་དང་རྩྭ་ཐང་ཅུད་ཀྱི་ཅུད་ཀྲང་བྱས།
༢༠༢༠ལོའི་ཟླ་༦ནས་ད་ལྟའི་བར། ལྷོ་ཁ་གྲོང་ཁྱེར་སྣེ་གདོང་ཆུས་ནགས་ལས་དང་རྩྭ་ཐང་ཅུད་ཏང་ཙུའུ་ཡི་ཧྲུའུ་ཅི་དང་ཅུད་ཀྲང་བྱས།
རྩོམ་སྒྲིག་པ། བདེ་སྒྲོལ།