ལྗོངས་ཡོངས་སུ“འཆལ་རྡུང་ལོག་སེལ”གྱི་མཉམ་འབྲེལ་ཆེད་དོན་བྱ་སྤྱོད་གཏིང་ཟབ་སྤེལ་བ།
སྤེལ་དུས 2018-12-21
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་བའི་ཟླ་བ་གཅིག་རིང་། རང་ལྗོངས་སུ“འཆལ་རྡུང་ལོག་སེལ”གྱི་མཉམ་འབྲེལ་ཆེད་དོན་བྱ་སྤྱོད་རྒྱུན་མཐུད་ངང་སྤེལ་བས། ལྗོངས་ཡོངས་ཀྱི་ཁྲིམས་དང་མི་མཐུན་པ་དང་བཀག་རྒྱ་ལས་འགལ་བའི་དཔེ་སྐྲུན་དངོས་པོ་དང་དེའི་གནོད་ཅན་ཆ་འཕྲིན་བརྒྱུད་བསྒྲགས་བྱ་རྒྱུ་ཚོད་འཛིན་ནུས་ལྡན་ཐུབ་པ་དང་། རིག་གནས་ཁྲོམ་རའི་སྒྲིག་ལམ་ལེགས་སུ་དང་། དྲ་བའི་བར་མཐོངས་དེ་བས་དྭངས་གཙང་དུ་ནུས་ལྡན་ཕྱིན་པ་རེད།
ཤེས་རྟོགས་བྱུང་བར་གཞིགས་ན། ཆེད་དོན་བྱ་སྤྱོད་ཁྲོད་རིག་གནས་གཉེར་སྐྱོང་རོལ་རྩེད་ཁང་1200ལ་ཞིབ་བཤེར་བྱས་པ་དང་། “འཆལ་རྡུང་ལོག་སེལ”གྱི་གཞི་རིམ་ས་ཚིགས་50ལྷག་ཙམ་ལ་འཐེན་བཤེར་བྱས་པ། འགྲུལ་སྐྱེལ་རླངས་འཁོར་20ལྷག་ཙམ་གྱི་གླུ་གཞས་གཏོང་ཆས་ལ་ཞིབ་བཤེར་བྱས་པ་ལས། ཁྲིམས་འགལ་སྒྲིག་འགལ་གྱི་གནད་དོན་ཁག་560ལྷག་ཙམ་ཤེས་རྟོཌ་བྱུང་བའི་ཁྲོད་ཀྱི་40ལྷག་ཙམ་ལ་སྲིད་འཛིན་ཆད་པ་བཅད་པ་དང་། ཁྲིམས་འགལ་དང་བཀག་རྒྱ་ལས་འགལ་བའི་གླུ་གཞས་250ལྷག་ཙམ་བསུབས་པ། ཁྲིམས་འགལ་དང་བཀག་རྒྱ་ལས་འགལ་བའི་དཔེ་སྐྲུན་དངོས་པོ་40ལྷག་ཙམ་གཞུང་བཞེས་བཏང་བ། གསང་འབྲེལ་ཆ་འཕྲིན་ཡོད་པའི་དྲ་སྦྲེལ་གློག་ཀླད་60ལྷག་ཙམ་གཙང་སེལ་བྱས་པ་རེད།