ཕྲེད་རྒྱུག་རི་རྒྱུད།

 བོད་ལྗོངས་སུ་གོང་སྨྲོས་གཞུང་རྒྱུག་རི་རྒྱུད་རྣམས་ཕུད་ད་དུང་ས་གཞིའི་ཕྲེད་དུ་བརྒྱུགས་པའི་བོད་ཀྱི་ཤར་ལྷོའི་མཚམས་སུ་ཕྲེད་རྒྱུག་རི་རྒྱུད་ཅིག་ཡོད། དེ་ནི་སྟར་པ་མཉམ་གཤིབ་ཏུ་བསྒྲིགས་པའི་ལེ་ལག་རི་རྒྱུད་འགའ་ཤས་ལས་གྲུབ་ཅིང་རི་རྒྱུད་སོ་སོའི་དབར་ལ་ལུང་གཞུང་ཆགས་ཡོད། ལེ་ལག་རི་རྒྱུད་ཁག་ནུབ་ནས་ཤར་དུ་བརྒྱུགས་ཡོད་པ་དེ་དག་ནི་པད་རོ་ལ་དང། ཐང་ཉེ་ཐ་འུར་ལ། སྨར་ཁམས་རི་རྒྱུད་སོགས་ཡིན། གོང་སྨྲོས་ཕྲེད་རྒྱུག་རི་རྒྱུད་དེ་ནི་གཉན་ཆེན་ཐང་ལྷ་དང་གདང་ལ་རི་རྒྱུད་ལ་མཐུད་ནས་ཆགས་ཤིང་མཐོ་ཚད་རྒྱ་མཚོའི་ངོས་ནས་བརྩིས་སྤྱི་ཁྲེ་བཞི་སྟོང་ནས་ལྔ་སྟོང་བར་ཟིན། དེའི་རྒྱུད་ཀྱི་ལུང་གཞུང་ཁག་གི་ཁ་རྒྱར་སྤྱི་ཁྲེ་ཆིག་སྟོང་ནས་ཉིས་སྟོང་བར་ཡོད་པ་དང་། གཅོང་རོང་ཟབ་མོའི་ཁྲོད་ནས་གཙང་ཆེན་དྲག་ཏུ་འཕྱུར་བ་དེས་ལྷོ་བྱང་དབར་གྱི་རྒྱུ་འགྲུལ་གཅོད་པའི་འོབས་ཀླུང་རིམ་པ་བཞིན་གྲུབ། དེ་ཁུལ་དུ་ས་ཁ་དམའ་བས་རི་བོ་རྣམས་དེང་གི་འཁྱག་ཀླུང་དུ་གྲུབ་ཐུབ་མེད་ཀྱང་གནའ་བོའི་དུས་རིམ་བཞི་པའི་འཁྱག་ཀླུང་གི་ཆགས་ཤུལ་ཡོད།