༄༅།།ཀྲུང་གོས་འཛམ་གླིང་གི་རྩེ་མོའི་བར་སྣང་ཡོངས་སུ་བྲེས་པའི་མཁའ་འགྲུལ་དྲ་རྒྱ་ཞིག་བསྐྲུན་རྒྱུ་ཡིན་པ།

        ཁྱོན་སྡོམ་མ་དངུལ་སྒོར་དུང་ཕྱུར་༡༦ལྷག་བཏང་བའི་མངའ་རིས་ཀྱི་དགུན་ས་གནམ་གྲུ་འབབ་ཐང་དེ་ཉིད་ད་ལོའི་ཟླ་བདུན་པར་དངོས་སུ་ཤར་གཏོང་བྱ་རྒྱུ་ཡིན་ཞིང་།དེ་ནི་བོད་རང་སྐྱོང་ལྗོངས་ཀྱི་དམངས་སྤྱོད་མཁའ་འགྲུལ་གནམ་གྲུ་འབབ་ཐང་བཞི་བ་ཡིན་པ་མ་ཟད།འཛམ་གླིང་སྟེང་ས་བབ་ཆེས་མཐོ་སར་བསྐྲུན་པའི་གནམ་གྲུ་འབབ་ཐང་གཉིས་པའང་ཡིན།
        མངའ་རིས་གནམ་གྲུ་འབབ་ཐང་ཤར་གཏོང་བྱུང་བ་དང་བསྟུན་ནས་བོད་རང་སྐྱོང་ལྗོངས་ཀྱི་ཁུལ་དང་གྲོང་ཁྱེར་བདུན་གྱི་ནང་ནས་ལྔ་ལ་གནམ་གྲུ་འབབ་ཐང་ཡོད་པ་རེད། འཆར་གཞི་ལྟར་ན། ལོ་ལྔ་ཚན་བཅུ་གཉིས་པའི་ནང་དུ་（２０１１－２０１５ལོ）བོད་ལྗོངས་ཀྱི་ས་ཁུལ་དང་གྲོང་ཁྱེར་བཅས་བདུན་དུ་གནམ་གྲུ་འབབ་ཐང་ཤར་གཏོང་ཐུབ་རྒྱུ་རེད།

        དེང་སྐབས་བོད་ལྗོངས་ཀྱི་དམངས་སྤྱོད་མཁའ་འགྲུལ་གྱི་མཁའ་ལམ་ཁྱོན་སྡོམ་༡༦ཡོད་ཅིང་། ལྷ་སའི་གོང་དཀར་གནམ་གྲུ་འབབ་ཐང་དེ་ཉིད་ཁུལ་ནང་གི་གནམ་གྲུ་འབབ་ཐང་ཡོངས་ཀྱི་ལྟེ་གནས་སུ་གྱུར་པ་དང་། སྤང་མདའ་དང་། ཉིང་ཁྲི་གནམ་གྲུ་འབབ་ཐང་གཉིས་ཡན་ལག་ཏུ་གྱུར་པའི་མཁའ་ལམ་ཞིག་རིམ་གྱིས་ཆགས་པ་བྱེད་རྒྱུ་མ་ཟད། གུང་དཀར་གནམ་གྲུ་འབབ་ཐང་ནས་ཐད་གར་རྒྱ་གར་གྱི་ཀ་ཏ་མིན་རྡུ་དང་། རྒྱལ་ནང་གི་པེ་ཅིང་དང་། ཁྲེང་ཏུའུ། ཁྲུང་ཆིང་། ཧྲང་ཧའེ། ཀོང་ཀྲོའུ།   ཞི་ཨན། ཁུན་མེང་སོགས་སུ་ཐད་ཀར་འཕུར་བའི་གནམ་གྲུ་ཡང་གཏོང་ཐུབ་པ་བྱེད་རྒྱུ་རེད།
　 གཞན་ཡང་བོད་ལྗོངས་ཀྱི་མཁའ་འགྲུལ་ཚད་ཡོད་ཀུང་སི་ཡང་ད་ལྟ་འཛུགས་སྐྲུན་བྱེད་པར་གྲ་སྒྲིག་བྱེད་པའི་སྒང་ཡིན་ཞིང་། ད་ལོའི་ཟླ༥པར་དངོས་སུ་འཛུགས་གྲུབ་ཐུབ་པའི་འཆར་གཞི་ཡོད་པ་དང་། 　བོད་ལྗོངས་ཀྱི་མཁའ་འགྲུལ་ཀུང་སི་ཐོག་མ་ཡང་ཡིན།

ཉིང་ཁྲིའི་གནམ་གྲུ་འབབ་ཐང་།

གཞིས་རྩེའི་གནམ་གྲུ་འབབ་ཐང་།