༄༅།།ཆབ་མདོ་ནས་ལྷ་སའི་བར་གྱི་གནམ་གྲུའི་པ་སེའི་གོང་ཚད་ཐེངས་དང་པོར་སྤར་བ།

གསར་འགོད་པས་ཆབ་མདོར་རྟོག་་ཞིབ་གནང་བཞིན་པའི་ཀྲུང་གོའི་མཁའ་འགྲུལ་བོད་ལྗོངས་ཡན་ལག་ཀུང་སིའི་རྟོག་ཞིབ་ཙུའུ་ཁྲུའུ་ནས་ཤེས་རྟོགས་བྱུང་གསལ། སྤྱི་ཟླ༥པའི་ཚེས༣༠ཉིན་ནས་བཟུང་། ཆབ་མདོ་སྤང་མདའ་ནས་ལྷ་སའི་བར་གྱི་གནམ་གྲུའི་པ་སེའི་གོང་ཚད་དེ་ད་ལྟའི་སྒོར༨༣༠ནས་སྒོར༩༡༠བར་སྤར་ཏེ། སྒོར༨༠མཐོ་རུ་སྤར་ཡོད་པ་རེད། འདི་ནི་མཁའ་འགྲུལ་ཤར་གཏོང་བྱས་པའི་ལོ་ངོ༡༦ཚུན་དུ་གནམ་གྲུའི་པ་སེའི་གོང་ཚད་སྤོར་ཐེངས་དང་པོ་དེ་ཡིན་པ་རེད།

གཞན་ཡང་། ཆབ་མདོ་བཅིངས་འགྲོལ་བཏང་ནས་ལོ་འཁོར༦༠ལོན་པའི་རྟེན་འབྲེལ་ཆེན་མོ་བསུ་ཆེད། ཀྲུང་གོའི་མཁའ་འགྲུལ་བོད་ལྗོངས་ཡན་ལག་ཀུང་སིས་དུས་ཆེན་རིང་གི་འགྲུལ་སྐྱེལ་ལས་དོན་གྱི་དགོས་མཁོ་སྐོང་ཐུབ་པར་འགན་སྲུང་བྱ་རྒྱུ་ཡིན་ཚུལ་ཀྱང་བསྟན་པ་རེད།