དབྱི་ལིང་གིས་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་ཐོག་མ་ཐོན་སྐྱེད་བྱས་པ།

དབྱི་ལིང་གི་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་ཐོག་མ་ཟླ8པའི་ཚེས22ཉིན་ཐོན་སྐྱེད་བྱས་ནས་ལེགས་གྲུབ་བྱུང་བ་དང་། དབྱི་ལིང་གི་ཙུང་ཐུང་ནེ་ཅཱ་ཏི་དང་རྒྱལ་སྲུང་དཔོན་རིགས་འགའ་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་ཐོག་མའི་ཡོལ་རས་ཕྱེས་པའི་མཛད་སྒོར་ཞུགས།

     ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།ཟླ8པའི་ཚེས22ཉིན་བསྒྲགས་པའི་གནས་ཚུལ་ལྟར་ན། དབྱི་ལིང་གི་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་ཐོག་མ་ཐོན་སྐྱེད་བྱས་ནས་ལེགས་གྲུབ་བྱུང་བ་དང་། དབྱི་ལིང་གི་ཙུང་ཐུང་ནེ་ཅཱ་ཏི་དང་རྒྱལ་སྲུང་དཔོན་རིགས་འགའ་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་ཐོག་མའི་ཡོལ་རས་ཕྱེས་པའི་མཛད་སྒོར་ཞུགས། བསྒྲགས་པའི་གནས་ཚུལ་ལྟར་ན། མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་དེའི་མིང་ལ་ཁི་ལཱ་ཨར་ཟེར་ཞིང་། གནམ་གྲུའི་རིང་ཚད་ལ་སྨིས་བཞི་ཡོད། དབྱི་ལིང་གིས་མི་བསྡད་མེད་པའི་རྒྱང་བསྐྱོད་འགས་གཏོར་གནམ་གྲུ་འགྲེམ་སྟོན་བྱས་པ་ནི་དབྱི་ལིང་གི་རྒྱལ་སྲུང་ཉིན་མོར་རྗེས་དྲན་བྱེད་པའི་ཆེད་དུ་རེད་ཟེར། ཁི་ལཱ་ཨར་གནམ་གྲུ་དེས་ས་ངོས་ཀྱི་དམིགས་འབེན་ལ་འགས་གཏོར་བྱེད་པའི་ལས་འགན་ལག་བསྟར་བྱེད་ཐུབ་པ་དང་། དེའི་མགྱོགས་ཤིང་མྱུར་བའི་སྒོ་ནས་རྒྱང་ཐག་རིང་བོར་འཕུར་བསྐྱོད་བྱེད་ཐུབ། བསྒྲགས་པའི་གནས་ཚུལ་ལྟར་ན། ཉེ་བའི་ལོ་འགའི་རིང་ལ་དབྱི་ལིང་གི་རྒྱལ་སྲུང་བཟོ་ལས་ལ་འཕེལ་རྒྱས་ཆེན་པོ་བྱུང་བ་དང་། ཆུ་འཛུལ་གྲུ་གཟིངས་དང་འཐབ་འཛིང་གནམ་གྲུ་སོགས་རྒྱལ་ཁབ་རང་ནས་བཟོ་སྐྲུན་བྱས་པའི་བར་སྣང་དང་མཚོ་ཐོག་གི་དམག་དོན་སྒྲིག་ཆས་མང་བོ་བྱུང་ཡོད། །