༄༅།།སྤྱི་ལོ༢༠༠༩ལོར་བོད་ལྗོངས་ཀྱི་དམངས་འཚོའི་ཐད་མ་དངུལ་བཏང་ཚད་སྒོར་དུང་ཕྱུར༡༡༠ལས་བརྒལ་བ།

         དམངས་འཚོའི་ངོས་ནས་བརྗོད་ན། མི་འགའ་ཤས་ཤིག་གི་བློ་ངོར་རྗེས་ལུས་ཡིན་པའི་བོད་ལྗོངས་ཀྱི་རྣམ་པ་ཞིག་འཆར་གྱི་ཡོད་ཀྱང་། དོན་དངོས་ཐོག་ཏུ་བོད་ལྗོངས་འདི་ཉིད་ཀྱི་དམངས་འཚོའི་ཆུ་ཚད་ནི་རྒྱལ་ཡོངས་ཞིང་ཆེན་ཁག་གི་མདུན་གྲལ་དུ་སླེབས་ཡོད་པ་རེད།

        དེ་ཡང་བོད་ལྗོངས་སུ། ཞིང་ལས་ཀྱི་བཅའ་ཁྲལ་ཐོག་མར་མེད་པར་བཟོས་པ་དང་། གྲོང་ཁྱེར་དང་གྲོང་གསེབ་དུ་སློབ་ཡོན་མི་དགོས་པའི་འགན་འབབ་སློབ་གསོ་ཐོག་མར་མངོན་འགྱུར་ཐུབ་པ་བྱུང་ནས་ཞིང་འབྲོག་ཁུལ་གྱི་སློབ་འབྲིང་དང་སློབ་ཆུང་སློབ་མར་ཟས་རིན། སྡོད་རིན། སློབ་རིན་བཅས་མི་དགོས་པའི“འགན་ལེན་གསུམ”གྱི་སྲིད་ཇུས་ལག་བསྟར་བྱས་པ། ཞིང་འབྲོག་ཁུལ་དུ་སྨན་རིན་མི་དགོས་པའི་སྨན་བཅོས་ལམ་ལུགས་ཐོག་མར་མངོན་འགྱུར་བྱུང་བ། གྲོང་རྡལ་གྱི་སྡོད་དམངས་ལ་སྨན་བཅོས་འགན་སྲུང་ལམ་ལུགས་ཡོངས་སུ་ཁྱབ་ཐུབ་པ་བྱུང་བ། ཞིང་འབྲོག་དམངས་ཀྱི་ཆེས་མ་མཐའི་འཚོ་བའི་འགན་སྲུང་ལམ་ལུགས་ཐོག་མར་བཙུགས་པ་བཅས་བྱས་པ་རེད།

       སྤྱི་ལོ༢༠༠༩ལོར། བོད་ལྗོངས་ཀྱི་དམངས་འཚོའི་ཐད་མ་དངུལ་བཏང་ཚད་སྒོར་དུང་ཕྱུར༡༡༠ལས་བརྒལ་བ་དང་། ཞིང་འབྲོག་དམངས་ཀྱི་བདེ་སྡོད་ལས་གྲྭའི་ལས་འགན་ལོ་གཅིག་སྔ་བསྣུར་དུ་ལེགས་གྲུབ་བྱུང་བ། བརྒྱ་ཆའི༨༠ཡི་སྲིད་འཛིན་གྲོང་ཚོར་གཞུང་ལམ་ཤར་གཏོང་ཡོང་བའི་དམིགས་འབེན་ལོ་གཅིག་སྔ་བསྣུར་དུ་མངོན་འགྱུར་བྱུང་བ་བཅས་ཀྱིས། མི་དམངས་མང་ཚོགས་རྣམས་ལ་མིག་མཐོང་ལག་ཟིན་གྱི་ཕན་ཁེ་ངོ་མ་རག་ཐུབ་པ་བྱུང་ཡོད།