༄༅།། བོད་ལྗོངས་ཀྱིས་ད་ལོར་དཔྱ་ཁྲལ་ཡོང་འབབ་བརྒྱ་ཆའི༡༢འཕར་སྣོན་ཡོང་བར་བརྩོན་ལེན་བྱ་རྒྱུ་ཡིན་པ།

       སྤྱི་ལོ༢༠༡༠ལོ་ནི“ལོ་ལྔ་ཚན་བཅུ་གཅིག་པའི་”དམིགས་འབེན་ཁྱོན་ཡོངས་ནས་མངོན་འགྱུར་བྱེད་པའི་རྒྱལ་ཕམ་ཐག་གཅོད་ཀྱི་ལོ་ཞིག་རེད་ལ། བོད་ལྗོངས་ཁྲལ་འབབ་ཀྱིས“ལོ་ལྔ་ཚན་བཅུ་གཅིག་པའི་”རིང་འབད་འཐབ་བྱས་པའི་གྲུབ་འབྲས་མཐའ་མཇུག་ཏུ་གཅིག་སྡུད་ཀྱིས་མངོན་པར་བྱེད་པའི་ལོ་ཞིག་ཀྱང་ཡིན་པ་རེད།ད་ལོར་བོད་ལྗོངས་དཔྱ་ཁྲལ་སྡེ་ཚན་གྱིས“ཡོང་འབབ་སྒོར་དུང་ཕྱུར༣༨.༨བཀོད་སྒྲིག་བྱ་རྒྱུ་ཡིན་པ་དེ། སྤྱི་ལོ༢༠༠༩ལོར་དངོས་སུ་ལེགས་གྲུབ་བྱུང་བའི་གྲངས་འབོར་གྱི་ཚད་ལས་བརྒྱ་ཆའི༡༢འཕར་བ་དང་། སྒོར་དུང་ཕྱུར༤.༡༣མང་དུ་འཕར་བའི་”དམིགས་འབེན་གཏན་འཁེལ་བྱས་པ་རེད།

       གོང་སྨོས་ལས་འགན་ལེགས་འགྲུབ་བྱ་ཆེད། བོད་ལྗོངས་ཀྱི་དཔྱ་ཁྲལ་སྡེ་ཚན་གྱིས་མུ་མཐུད་དུ་ལས་དོན་སྤེལ་ཐབས་ལ་ཤུགས་སྣོན་བརྒྱབ་སྟེ། དཔྱ་ཁྲལ་ཡོང་འབབ་འཕར་སྣོན་དང་ལྗོངས་ཡོངས་ཀྱི་དཔལ་འབྱོར་འཕར་སྣོན་གཉིས་དོ་མཉམ་པར་འཕེལ་རྒྱས་ཡོང་བར་བྱ་རྒྱུ་ཡིན་པ་རེད།