ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > རྩོམ་རིག > ལོ་རྒྱུས།

བོད་ལྗོངས་ཀྱི་འཕྲུལ་ཆས་རྐྱང་བར་ཤོང་ཚད་ཆེས་ཆེ་བའི་རིགས་ཀྱི་ཉི་ནུས་དང་རླུང་ནུས་ཕན་ཚུན་ཚབ་པའི་གློག་འདོན་ས་ཚིགས་ཐོག་མ་དེ་སྤྱོད་འགོ་བརྩམས་པ།

སྤེལ་དུས 2009-09-10 ཡོང་ཁུངས། བོད་ལྗོངས་ཉིན་རེའི་ཚགས་པར། རྩོམ་པ་པོ། བདེ་ལྷ་མོས་བསྒྱུར། ཟླ་གཞོན་ནས་ཞུས།

གསར་འགོད་པས་ཉེ་ལམ་བོད་ལྗོངས་ཀྱི་ནུས་ཁུངས་དཔེ་སྟོན་ཞིབ་འཇུག་ལྟེ་གནས་ལས་ཤེས་རྟོགས་བྱུང་བ་ལྟར་ན། བོད་ལྗོངས་ཀྱི་འཕྲུལ་ཆས་རྐྱང་བ་ཤོང་ཚད་ཆེས་ཆེ་བའི་རིགས་ཀྱི་ཉི་ནུས་དང་རླུང་ནུས་ཕན་ཚུན་ཚབ་རེས་བྱེད་པའི་གློག་འདོན་ས་ཚིགས་ཐོག་མ་དེ་ནག་ཆུ་ས་ཁུལ་ཤོ་མོང་ཤང་གི་གྲོང་ཚོ་དང་པོར་ལེགས་གྲུབ་བྱུང་ཞིང་དངོས་སུ་སྤྱོད་འགོ་བརྩམས་ཡོད་པ་རེད།  

མཚེའུ་གཉིས་དམིགས་བསལ་ཁུལ་གྱི་འབྲོག་མོ་འགས་ཉི་ནུས་དང་རླུང་ནུས་ཕན་ཚུན་ཚབ་རེས་ཀྱི་གློག་འདོན་ས་ཚིགས་འགྲམ་དུ་འོ་མ་འཇོ་བཞིན་པ། 

    གློག་འདོན་ས་ཚིགས་འདིའི་ལས་གཞི་ནི་བོད་རང་སྐྱོང་ལྗོངས་ཚན་རྩལ་ཐིང་གིས་གྲོས་འགོ་བཏོན་ཞིང་ཆོག་མཆན་བཀོད་པ་བརྒྱུད། བོད་ལྗོངས་ནུས་ཁུངས་དཔེ་སྟོན་ཞིབ་འཇུག་ལྟེ་གནས་ཀྱིས་འགན་ཁུར་ནས་བསྐྲུན་པ་དང་། སྤྱིའི་མ་དངུལ་ལ་སྒོར་ཁྲི་༢༡༠བཏང་བ་རེད། ལས་གཞི་འདིའི་ལག་རྩལ་པས་ངོ་སྤྲོད་གནང་བ་ལྟར་ན། གློག་འདོན་ས་ཚིགས་འདི་ནི་ཤོང་ཚད་ལ་སྟོང་ཝ་༡ཅན་གྱི་ཁྱིམ་སྤྱོད་རླུང་ནུས་གློག་འདོན་མ་ལག་ཆ་༢༠དང་། ཤོང་ཚད་ལ་སྟོང་ཝ་༢༠ཅན་གྱི་ཉི་ནུས་དང་རླུང་ནུས་ཚབ་རེས་རང་བཞིན་གྱི་གཅིག་འདུས་གློག་འདོན་མ་ལག་བཅས་ཀྱིས་གྲུབ་ཅིང་། སྤྱིའི་རྩོལ་ནུས་དེ་སྟོང་ཝ་༤༠ཡིན་པ་དང་། རླུང་ནུས་གློག་འདོན་འཕྲུལ་ཆས་རྐྱང་མའི་རྩོལ་ནུས་དེ་སྟོང་ཝ་༡༠ནས་སྟོང་ཝ་༥བར་ཡིན་ལ། དེ་ནི་བོད་རང་སྐྱོང་ལྗོངས་ཀྱི་ད་སྔའི་རྩོལ་ནུས་ཆེས་ཆེ་བའི་རླུང་བརྟེན་གློག་འདོན་འཕྲུལ་ཆས་དེ་ཡིན་པ་དང་། གློག་འདོན་ས་ཚིགས་དེས་གྲོང་ཚོ་དེའི་དུད་ཁྱིམ་༥༨ཙམ་གྱི་ མི་༤༠༠ལྷག་གི་གློག་གི་དགོས་མཁོ་སྐོང་ཐུབ་པ་རེད།