བཅོམ་ལྡན་གང་ཞིག་འཕོ་མེད་མཆོག་གི་སྤངས་དང་རྟོགས་པ་ཅན། །
གཞན་གྱི་མི་བསྙེངས་ཐུགས་རྗེའི་འཕྲུལ་གྱི་འཁོར་བ་ཇི་སྲིད་པར། །
རྒྱུ་དང་མི་རྒྱུའི་འཇིག་རྟེན་ཀུན་ལ་སྐྱབས་དང་མགོན་མཛད་པ། །
ས་ཆེན་ཀུན་དགའ་སྙིང་པོ་དེ་ལ་གུས་པས་སྐྱབས་སུ་མཆི། །
ཇི་ལྟར་ཆོས་ཉིད་མཁྱེན་པའི་ཡེ་ཤེས་སྒྲིབ་བྲལ་ཅིང་། །
ཇི་སྙེད་ཆེན་པོ་གཟིགས་པའི་ཐུགས་རྗེས་རོལ་པ་ཡི། །
འགྲོ་བ་ཀུན་ལ་ཐམས་ཅད་མཁྱེན་པའི་དབུགས་འབྱིན་པ། །
རྗེ་བཙུན་བསོད་ནམས་རྩེ་མོ་དེ་ལ་གུས་པས་འདུད། །
གང་སྐུ་ཟླ་བྲལ་ཚོགས་གཉིས་ལས་འཁྲུངས་ཤིང་། །
སྲིད་ཞིར་མི་གནས་དཔལ་གྱི་བཀྲ་ཤིས་པ། །
རྟག་ཏུ་བདེ་ཆེན་འབར་བའི་གྲིབ་བསིལ་གཅིག །
རྗེ་བཙུན་གྲགས་པ་རྒྱལ་མཚན་དེར་ཕྱག་འཚལ། །
འཇིག་རྟེན་འཇིག་རྟེན་འདས་པའི་གཙུག་ཏོར་གྱི། །
རྩེ་མོར་ཞབས་པད་སྐྱིལ་ཀྲུང་བཀོད་མཛད་དེ། །
སྐྱབས་མེད་སྐྱོབ་པར་གྱུར་པའི་ས་སྐྱ་པ། །
པཎ་ཆེན་ཀུན་དགའི་མཚན་ཅན་དེར་ཕྱག་འཚལ། །
ཡ་མཚན་སྐུ་དང་ཡེ་ཤེས་རབ་འབར་བས། །
མཚུངས་མེད་འགྲོ་ལ་བརྩེ་བའི་གཟི་བྱིན་ཅན། །
ཞིང་ཁམས་རྒྱ་མཚོར་འཇུག་པའི་ས་སྐྱ་པ། །
པཎ་ཆེན་ཀུན་དགའི་མཚན་ཅན་དེར་ཕྱག་འཚལ། །
འཁོར་བའི་ཕུན་ཚོགས་མཐའ་དག་ཐོབ་པ་ཡི། །
དགེ་ལ་སྲིད་ཚད་ཁྱོད་ཀྱི་མཚན་ཙམ་ཞིག །
འཛིན་པའི་དགེ་བར་འགྲན་བྲལ་ས་སྐྱ་པ། །
པཎ་ཆེན་ཀུན་དགའི་མཚན་ཅན་དེར་ཕྱག་འཚལ། །
ཕུན་ཚོགས་གཞལ་མེད་དག་གིས་བསྒྲུབས་པའི་སྐུ། །
འཛམ་བུའི་ཆུ་བོའི་གསེར་འོད་ཟིལ་གནོན་པ། །
མཚན་དང་དཔེ་བྱད་བརྒྱན་པའི་ས་སྐྱ་པ། །
པཎ་ཆེན་ཀུན་དགའི་མཚན་ཅན་དེར་ཕྱག་འཚལ། །
མཆོག་གི་ཡོན་ཏན་བལྟ་ན་སྡུག་པ་ཀུན། །
གང་གི་ཡི་གེར་འགྲོ་བའི་བདེ་བ་ཅན། །
ཉེར་ཞི་བསིལ་བ་འཛིན་པའི་ས་སྐྱ་པ། །
པཎ་ཆེན་ཀུན་དགའི་མཚན་ཅན་དེར་ཕྱག་འཚལ། །
སྒྲིབ་པ་ཀུན་གྱིས་མ་ཐུབ་པར། །
འཇིག་རྟེན་གསུམ་ལས་རྣམ་རྒྱལ་ཏེ། །
དཔའ་བོ་ཆེན་པོ་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཁྱོད་ཀྱི་ཕྲིན་ལས་རོལ་པ་ནི། །
འབད་མེད་འཇུག་པའི་བཀའ་དྲིན་དེས། །
འགྲོ་བའི་མགོན་གྱུར་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
སྲིད་ཞིའི་ཡུལ་འདིར་ཁྱོད་ཉིད་ཀྱིས། །
མཐའ་གཉིས་གནས་ལས་བཟློག་བྱས་ཏེ། །
རྒུད་ལས་ཐར་མཛད་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཐོག་མེད་མ་རྒན་ཐམས་ཅད་ལ། །
མཉེན་ཞིང་གཤིན་པའི་མཁྱེན་བརྩེ་ཡིས། །
འགྲོ་ཀུན་འདུལ་མཛད་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
བདག་གི་དགེ་བའི་བགྱི་ཀུན་གྱིས། །
སྟོན་པ་ཁྱོད་ཀྱི་བསྟན་པ་རྟོགས། །
རབ་ཏུ་འདོད་དོ་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
འགྲོ་མུན་སེལ་བའི་ཉིན་བྱེད་ལ། །
ཁྱོད་འདྲ་འོད་ཅན་གཞན་དུ་གར། །
འགར་ཡང་མ་དམིགས་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
དཔལ་ལྡན་ཐུགས་རྗེ་རྫོགས་པའི་མཐུས། །
ངན་བུར་བཏང་སྙོམས་མ་མཛད་དེ། །
ཅི་ནས་ཡོངས་འཛིན་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
མཚན་མར་བལྟ་བའི་དགྲ་བཅོམ་ནས། །
འདུ་བྱེད་གཡོ་བ་ཀུན་བཅད་པ། །
དུས་ཀྱིས་མི་གཡོ་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཁྱོད་ཀྱི་བློ་གྲོས་འོད་གསལ་བ། །
གདོད་ནས་སྣང་བ་རྒྱས་པ་དེས། །
འཇིག་རྟེན་གསལ་བྱེད་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཉི་ཟླ་ལྟར་མཛེས་དཔྱིད་དཔལ་གྱིས། །
དགའ་སྟོན་བདུད་རྩིའི་གསར་པ་ལྟར། །
འགྲོ་ཀུན་ཚིམ་བྱེད་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཁྱོད་ཀྱི་བྱམས་བརྩེའི་ཕར་ཕྱིན་གྱིས། །
སྲིད་ཞིའི་དགྲ་ཀུན་སྲུང་བ་ལ། །
ནུས་མཐུ་ཐོགས་མེད་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
བསྐལ་བཟང་མིག་ལ་རབ་འཆར་བའི། །
བློ་གྲོས་ཟད་མེད་མཁའ་མཉམ་པར། །
སྤྲོ་བའི་བླ་མ་ས་སྐྱ་པ། །
པཎ་ཆེན་དེ་ལ་གུས་ཕྱག་འཚལ། །
ཁྱོད་ཀྱི་དུས་གསུམ་གཟིགས་པའི་བཀའ་སྩལ་ཀུན། །
ཁྱོད་དྲིན་ཁོ་ནས་བདག་བློར་བྱང་ཆུབ་སྟེ། །
ཁྱོད་ཀྱི་གསུང་རབ་ཀུན་ལ་རྙོག་མའི་ཆ། །
ཁྱོད་ཀྱི་བཞེད་ལས་ཕྱི་རོལ་གྱུར་པ་ཀུན། །
བདག་གི་ལེགས་པར་བཀྲུས་པའི་དྲི་ཆབ་ཀུན། །
བདག་ཉིད་ཁོ་ནས་མཆོད་ཚུལ་འདི་ལྟ་ལ། །
བདག་དང་མཚུངས་པར་བསྙེན་པར་རྫོགས་འདོད་རྣམས། །
བདག་གི་ཚུལ་འདིར་རྗེས་སུ་སློབ་པར་བྱོས། །
ཁྱོད་ཀྱི་བསྟན་འདིར་འདས་དང་ད་ལྟ་དང་། །
མ་འོངས་པར་ཞུགས་སོ་དང་འཚལ་ཏོ་ཅོག །
ཀུན་གྱིས་ཁྱོད་བསྟན་སྙིང་པོ་མ་མཐོང་སྟེ། །
རྗེ་ཡི་བཞེད་པ་སྐོང་བར་བྱེད་རློམ་དག །
རྨ་ལ་འགྱུར་བྱེད་བཏབ་པ་ལྟར་མཐོང་ནས། །
སྟོན་པ་ཁྱོད་ཀྱི་བགྱི་བ་ཐམས་ཅད་པ། །
དཔལ་ལྡན་དྭགས་པོ་ལྷ་རྗེའི་མཛད་པ་ལྟར། །
བདེ་གཤེགས་དགྱེས་པའི་ལམ་དུ་སྒྲུབ་པར་བྱས། །
བདེ་གཤེགས་ཁྱོད་ཀྱི་ཡོན་ཏན་མཐའ་ཡས་པ། །
བདག་འདྲས་བསྡུ་བར་ནུས་པ་སྤོབས་མིན་ཀྱང་། །
རྒྱལ་བ་ཁྱོད་ཀྱི་བཞེད་པ་མཆོག་གྱུར་པ། །
རྒྱལ་ཀུན་རྩེ་མོར་སོང་བའི་སྒམ་པོ་པའི། །
དགོངས་པ་གསལ་བར་མཛད་ལ་ཤེས་བྱ་འདིར། །
འགྲན་གྱི་ཟླ་བྲལ་དཔལ་ལྡན་ས་སྐྱ་པ། །
པཎ་ཆེན་འཇིགས་བྲལ་ཁོ་ནར་མཐོང་གྱུར་ཏེ། །
བདག་གི་མི་ཟད་དད་པའི་རྒྱ་མཚོ་འཕེལ། །
དེ་ལས་འཁྲུངས་པའི་བསྟོད་ཚིག་མེ་ཏོག་དཀར། །
མུ་ཏིག་འདོག་པ་ཇི་བཞིན་བཀོད་དེས་ཀྱང་། །
བཅོམ་ལྡན་ཁྱོད་ཀྱི་ཐུགས་རྗེའི་སྤྱན་རས་ཀྱིས། །
བདག་ལ་བཙལ་བའི་དངོས་པོ་ལྷག་པར་བསྐུལ། །
བྱང་ཕྱོགས་གངས་རིའི་ཁྲོད་འདིར་དམ་ཆོས་དང་། །
ཟང་ཟིང་རྙེད་བཀུར་ཕུན་ཚོགས་མཐའ་ཡས་ཀྱི། །
འཁོར་ལོ་བསྒྱུར་བའི་འཕགས་མཆོག་ས་སྐྱ་པ། །
བློ་གྲོས་རྒྱལ་མཚན་ཞབས་དེར་གུས་ཕྱག་འཚལ། །
འཛམ་གླིང་འདི་ན་མཁས་དང་གྲུབ་པ་ཡི། །
སྙན་གྲགས་འདོད་རྒུར་སྤེལ་བའི་འབྱུང་ཁུངས་ཆེ། །
ཆོས་སྲིད་སྦྱིན་པའི་བདག་པོ་ས་སྐྱ་པ། །
ཁུ་དབོན་བརྒྱུད་པར་བཅས་དེར་ཕྱག་འཚལ་ལོ། །
འདི་ལྟའི་བསྟོད་མཆོད་དགེ་བའི་རྒྱུ་ཉིད་ཀྱིས། །
སྡོམ་གསུམ་རབ་དབྱེ་ཞེས་གྲགས་བསྟོད་དེའང་། །
དཔལ་ལྡན་དྭགས་པོས་བཞེད་པའི་ཕྱག་རྒྱ་ཆེའི། །
ཕྲིན་ལས་ཕྱོགས་བཅུར་རྒྱས་ཆེད་བསྔོ་བར་བགྱི། །
ཞེས་བྱ་བ་འདི་ནི་དཔལ་ཙཱ་རི་ཏྲའི་རི་སུལ་དབེན་ཞིང་ཉམས་དགའ་བའི་ལྗོངས་གྲུབ་པར་སྤྱོད་པ་དག་བསྟི་བའི་གནས་ལྷ་ཐམས་ཅད་ཡིད་བཞིན་དུ་འདུ་བའི་ས་ནས་དཔལ་ཀརྨ་པའི་མཚན་གྱིས་ཉེ་བར་བསྐྱངས་པ་མི་སྐྱོད་རྡོ་རྗེས་སྦྱར་བའོ།། །
