ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > གསོ་རིག > བོད་སྨན་ཁང་།

ཀྲུང་གོའི་བོད་ཀྱི་གསོ་རིག་རིག་གནས་རྟེན་མཛོད་ཁང་།

སྤེལ་དུས 2017-08-28 ཡོང་ཁུངས། མཚོ་སྔོན་པོ་དྲ་བ། རྩོམ་པ་པོ། སྒྲོལ་མས་བསྒྲིགས།

ཀྲུང་གོའི་བོད་ཀྱི་གསོ་རིག་རིག་གནས་རྟེན་མཛོད་ཁང་།  

          ཀྲུང་གོའི་བོད་ཀྱི་གསོ་རིག་རིག་གནས་རྟེན་མཛོད་ཁང་ནི་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་གཞི་ཆགས་ཡོད་ཅིང་ཕྱིའི་འཛུགས་སྐྲུན་གྱི་བཀོད་པ་ཤིན་ཏུ་བརྗིད་ཆགས་པ་དང་ཐུན་མོང་མ་ཡིན་པར་སྣང་ལ། ཟི་ལིང་གྲོང་ཁྱེར་དུ་མཚོན་བྱེད་རང་བཞིན་གྱི་འཛུགས་སྐྲུན་ཞིག་ཏུ་ངེས། རྟེན་མཛོད་ཁང་འདིའི་འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ༡༢༠༠༠ཡོད་པ་དང༢༠༠༧ལོའི་ཟླ༩བར་དངོས་སུ་སྒོ་ཕྱེས་ཤིང་། མིག་སྔའི་བར་འཛམ་གླིང་ཧྲིལ་བོར་བོད་ཀྱི་གསོ་རིག་རིག་གནས་ཚུར་སྣང་བྱེད་པའི་ཕྱོགས་བསྡུས་རང་བཞིན་གྱི་ཆེད་ལས་རྟེན་མཛོད་ཁང་ཞིག་ཡིན་པ་རེད།

          དེར་བོད་ཀྱི་གསོ་རིག་ལོ་རྒྱུས་གླིང་དང་། སྨན་ཐང་ཡོ་ཆས་གླིང་། གནའ་དཔེ་དཔྱད་ཡིག་གླིང་། བོད་སྨན་སྨན་རྫས་གླིང་། གནམ་རིག་སྐར་རྩིས་གླིང་། བོད་ཀྱི་དམངས་སྲོལ་གླིང་། ཀུན་འདུས་ཞལ་ཐང་ཆེན་མོའི་གླིང་། བོད་ཡིག་ཡིག་གཟུགས་གླིང་བཅས་གླིང8དང་སྨན་ལྷ་སྟོང་སྐུའི་ཕོ་བྲང་སོགས་ཡོད་པ་དང་། རྟེན་མཛོད་ཁང་འདིས་བསྡུས་པའི་རིག་དངོས་ཁྲི་གཉིས་ཡན་ཟིན་པ་རེད།

          དེ་ཡང་བོད་ཀྱི་དམངས་སྲོལ་གླིང་དུ་བོད་ཀྱི་ལག་བཟོའི་ཐོན་རྫས་དང་། རྒྱན་ཆས། ཡིག་གཟུགས། གནའི་དམག་ཆས་སོགས་ཡོད་པ་དང་། དེ་ལས་ཀྱང་ཆེས་ཡིད་དབང་འགུག་པ་ནི་ཀུན་འདུས་ཞལ་ཐང་ཆེན་མོའི་གླིང་ཡིན་ཏེ། དེར་ལོ་ངོ27རིང་གི་བསམ་བློའི་སྟ་གོན་དང་ཇུས་འགོད་ལས་གྲུབ་པའི་རིང་ཚད་ལ་སྨི༦༡༨དང་ཞེང་ཚད་ལ་སྨི༢༠༠ཡོད་པ་དང་། དེའི་སྟེང་ཐང་ག་མི་འདྲ་བ༧༠༠ལྷག་ཡོད་པའི་ཀྲུང་གོའི་བོད་ཀྱི་རིག་གནས་ཀུན་འདུས་ཞལ་ཐང་ཆེན་མོ་བཞུགས་ལ། དེས་བོད་ཁམས་འདིར་མིའི་རིགས་བྱུང་བ་ནས་ད་ལྟའི་བར་གྱི་ལོ་རྒྱུས་ཀྱི་བྱུང་རིམ་དང་། ཆོས་ལུགས་གྲུབ་མཐའ་ཁག་གི་འཕེལ་རིམ། བོད་ཀྱི་སྲོལ་རྒྱུན་རིག་གནས་དང་འབྲེལ་བའི་ནང་དོན་རྣམས་རི་མོའི་ལམ་དུ་བཀོད་ནས་འབྲི་བཞེངས་བྱས་ཡོད་པ་དང་། དེར་བོད་མི་རིགས་ཀྱིས་འཇིག་རྟེན་ཁམས་དང་། ལོ་རྒྱུས། ཆོས་ལུགས། གསོ་རིག རིག་གནས་འཚོ་བ་སོགས་ཀྱི་ཐད་ལ་བཟུང་བའི་ངོས་འཛིན་སྟངས་སོགས་བརྗོད་ཡོད་དེ་བོད་ཀྱི་རིག་གནས་ཀུན་འདུས་ཆེན་མོར་གྲགས་པ་རེད། རྒྱུས་ལོན་པ་ལྟར་ན། ཇུས་འགོད་དེར་ལྷ་རྗེ༤༠༠བཞུགས་ཡོད་པ་དང་དེ་ལས་མང་ཆེ་བ་བླ་ཆེན་ཁག་ཡིན་པར་གྲགས།