གཙང་བཀྲ་ཤིས་ལྷུན་པོ་དགོན་གྱི་བོད་སྨན་ཁང་།
སྤེལ་དུས 2017-08-28
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། ལྗོན་སྨྱུག་ནས་བསྒྱུར།
ཟླ༩བའི་ཚེས༡༢ཉིན་གཙང་བཀྲ་ཤིས་ལྷུན་པོའི་བོད་སྨན་ཁང་གི་སྨན་པས་གྲྭ་བར་ནད་བརྟག་བཞིན་པ།
གཙང་བཀྲ་ཤིས་ལྷུན་པོ་དགོན་གྱི་བོད་སྨན་ཁང་ནི་བོད་ལྗོངས་གཞིས་ཀ་རྩེའི་བཀྲ་ཤིས་ལྷུན་པོ་དགོན་གྱི་སྒོ་ཆེན་ནང་རོལ་དུ་ཡོད་ཅིང་། རྒྱ་ཁྱོན་ལ་སྨི་གྲུ་བཞི་མ་༢༠༠༠ལྷག་ཡོད། དེང་སྐབས་སྨན་ཁང་དེར་དགེ་འདུན་སྨན་པ་༡༦ཡོད་ཅིང་། དེའི་ནང་ལྷ་རྗེ་ཐོབ་ཐང་ལྡན་པའི་སྨན་པ་དྲུག་ཡོད། ཁོང་རྣམ་པས་ནད་བརྟག་ཐབས་ནི་བོད་ཀྱི་སྲོལ་རྒྱུན་གྱི་བརྟག་ཐབས་གཙོར་བཟུང་བ་དང་། ཞོར་དུ་ནུབ་ལུགས་ནད་བརྟག་ཀྱི་དཔྱད་ཐབས་སྤྱད་དེ། བོད་སྨན་དང་ནུབ་སྨན་ཟུང་འབྲེལ་གྱིས་ནད་པར་ནད་བཅོས་བྱེད་བཞིན་ཡོད། སྨན་ཁང་འདིའི་འགན་འཁུར་བ་སྤེན་པ་དོན་གྲུབ་ལགས་ཀྱིས་ངོ་སྤྲོད་ལྟར་ན། བཀྲ་ཤིས་ལྷུན་པོ་དགོན་གྱི་བོད་སྨན་ཁང་འདི་ནི་སྤྱི་ལོ་༡༩༥༤ལོར་པཎ་ཆེན་རིན་པོ་ཆེ་སྐུ་ཕྲེང་བཅུ་བ་མཆོག་གིས་ཐུགས་དོན་ལྟར་བཞེངས་པ་ཡིན། སྐབས་དེར་ཞབས་ཞུ་བྱ་ཡུལ་གཙོ་བོ་གྲྭ་བ་ཡིན་མོད། ད་ལྟ་དགོན་སྡེའི་གྲྭ་བ་ཕུད། ཡུལ་འདིའི་ཞིང་འབྲོག་མང་ཚོགས་ཀྱི་ནད་ལའང་ལྟ་བཞིན་ཡོད་པས། ལོ་རེའི་ཆ་སྙོམས་ཀྱི་ནད་བརྟག་སྨན་བཅོས་བྱེད་དུ་ཡོང་བའི་ནད་པ་༤༥༠༠༠ལྷག་ལ་བསླེབས་ཟེར།
ཟླ༩བའི་ཚེས༡༢ཉིན་བཀྲ་ཤིས་ལྷུན་པོ་དགོན་གྱི་བོད་སྨན་ཁང་དུ་ཡོད་པའི་བོད་སྨན་ནད་བརྟག་བཅོས་ཐབས་ཀྱི་ལྡེབས་རིས།
བོད་སྨན་སྡེབ་བཟོ།
ནད་པའི་ནད་ལ་བརྟག་བཞིན་པ།
སྨན་ཁང་གི་ཕྱི་རོལ་ཏུ་ནད་ལྟ་བར་སྒུག་པ།
བོད་སྨན་སྡེབ་སྦྱོར།
བོད་སྨན་ཁང་།
བོད་སྨན་ཁང་།