ཤར་ཕྱོགས་འཐབ་ཁུལ་གྱི་སྐམ་དམག་དང་ཨ་རིའི་དམག་གི་ཞི་བདེ་རྒྱ་མཚོ་ཆེན་མོའི་སྐམ་དམག་གིས་མི་ཆོས་རིང་ལུགས་ཀྱི་རོགས་སྐྱོབ་གནོད་སེལ་མཉམ་འབྲེལ་དམག་དོན་ནང་སྦྱོང་བྱེད་བཞིན་ཡོད་པ།
སྤེལ་དུས 2018-11-14
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
ཀྲུང་ཨ་རྒྱལ་ཁབ་གཉིས་པོའི་དམག་དཔུང་བར་བྱུང་བའི་ཐུན་མོང་ངོས་འཛིན་ལ་གཞིགས་ཏེ། ཀྲུང་གོ་མི་དམངས་བཅིངས་འགྲོལ་དམག་ཤར་ཕྱོགས་འཐབ་ཁུལ་གྱི་སྐམ་དམག་དང་ཨ་རིའི་དམག་གི་ཞི་བདེ་རྒྱ་མཚོ་ཆེན་མོའི་སྐམ་དམག་གིས་ཟླ་བ་༡༡པའི་ཚེས་༡༢ཉིན་ནས་ཚེས་༡༩ཉིན་བར། ཅང་སུའུ་ནན་ཅིང་དུ་མི་ཆོས་རིང་ལུགས་ཀྱི་རོགས་སྐྱོབ་གནོད་སེལ་མཉམ་འབྲེལ་དམག་དོན་ནང་སྦྱོང་བྱ་རྒྱུ་ཡིན་པ་རེད། ཕྱོགས་གཉིས་པོས་ཁྱོན་མི་༢༠༠ལྷག་ཙམ་མངག་རྒྱུ་ཡིན་པ་དང་། ཐེངས་འདིའི་ནང་སྦྱོང་གི་དམིགས་ཡུལ་ནི་ཀྲུང་ཨ་རྒྱལ་ཁབ་གཉིས་པོའི་དམག་དཔུང་གིས་ཕན་ཚུན་རྒྱལ་སྤྱིའི་མི་ཆོས་རིང་ལུགས་ཀྱི་རོགས་སྐྱོབ་གནོད་སེལ་ཉམས་མྱོང་མཉམ་སྤྱོད་དང་། རྒྱལ་ཁབ་གཉིས་པོའི་དམག་དཔུང་གིས་གནོད་འཚེ་རོགས་སྐྱོབ་ཀྱི་བྱ་སྤྱོད་མཉམ་དུ་ལག་བསྟར་བྱེད་པའི་འདོད་བློ་དང་ནུས་པ་གསོ་སྐྱོང་བྱ་ཆེད་ཡིན་པ་རེད།