ཕེང་ཕེ་ཨོ་ཡིས་ཨ་རིས་སི་རི་ཡ་ནས་དམག་དཔུང་ཕྱིར་འཐེན་བྱས་པ་དེས་དབྱི་སི་ལན་རྒྱལ་ཁབ་ཅེས་པར་རྒོལ་རྡུང་གཏོང་བའི་རྒྱལ་སྤྱིའི་མཉམ་འབྲེལ་གྱི་སྟོབས་ཤུགས་ཉམས་ཞན་དུ་འགྲོ་མི་སྲིད་ཅེས་གསུངས་པ།
སྤེལ་དུས 2019-01-10
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སངས་སྐྱབས་ཀྱིས་བསྒྲིགས།
ཤིན་ཧྭ་གསར་འགྱུར་ཁང་ནས་སྤེལ་བའི་གནས་ཚུལ། སྤྱི་ཚེས་༨ཉིན་ཅོར་ཏན་གྱི་རྒྱལ་ས་ཨན་མན་དུ་ཨ་རིའི་རྒྱལ་དོན་བློན་ཆེན་ཕེང་ཕེ་ཨོ་ཡིས། ཨ་རིས་སི་རི་ཡ་ནས་དམག་དཔུང་ཕྱིར་འཐེན་བྱ་རྒྱུའི་གཏན་འབེབས་བྱས་པ་དེས་ཨ་རིའི་གཙོ་ཁྲིད་བྱས་པའི་ཐལ་སྐྱོད་སྒྲིག་འཛུགས་དབྱི་སི་ལན་རྒྱལ་ཁབ་ཅེས་པར་རྒོལ་རྡུང་གཏོང་བའི་རྒྱལ་སྤྱིའི་མཉམ་འབྲེལ་སྟོབས་ཤུགས་ཉམས་ཞན་དུ་འགྲོ་མི་སྲིད་ཅེས་གསུངས་པ་རེད། ཅོར་ཏན་གྱི་ཕྱི་འབྲེལ་བློན་ཆེན་ས་ཧྥ་ཏི་དང་ལྷན་དུ་སྤེལ་བའི་མཉམ་འབྲེལ་གསར་འགོད་པའི་ཚོགས་འདུའི་ཐོག་ཕེང་ཕེ་ཨོ་ཡིས། ཨ་རིའི་དམག་དཔུང་སི་རི་ཡ་ནས་ཕྱིར་འཐེན་བྱེད་རྒྱུའི་སྐོར་གྱི་ཨ་རིའི་ཙུང་ཐུང་ཐེ་རོན་ཕུ་ཡི་གཏན་འབེབས་དེས་དབྱི་སི་ལན་རྒྱལ་ཁབ་ཅེས་པར་རྒོལ་རྡུང་གཏོང་བའི་རྒྱལ་སྤྱིའི་མཉམ་འབྲེལ་སྟོབས་ཤུགས་ཉམས་ཞན་དུ་འགྲོ་མི་སྲིད་ཅེས་གསུངས་པ་དང་། ཁོང་གིས་ད་དུང་། མ་འོངས་པའི་ཉིན་འགའ་དང་ཡང་ན་གཟའ་འཁོར་འགའི་ནང་། ཨ་རིས་ཕྱི་འབྲེལ་དང་དཔལ་འབྱོར་གྱི་ཐབས་ལམ་བརྒྱུད་དེ་མུ་མཐུད་དུ་དབྱི་རལ་ལ་གནོན་ཤུགས་སྤྲོད་རྒྱུ་ཡིན་ཞེས་གསུངས་པ་རེད།