ཨེ་ཅེབ་ཀྱི་རྒྱུད་གཅིག་ལམ་གཅིག་མཉམ་ལས་ཞིབ་འཇུག་ལྟེ་གནས་དང་པོ་དབུ་བརྙེས་པ།
སྤེལ་དུས 2019-01-15
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སངས་སྐྱབས་ཀྱིས་བསྒྲིགས།
ཤིན་ཧྭ་གསར་འགྱུར་ཁང་ནས་གནས་ཚུལ་སྤེལ་གསལ། ཀྲུང་གོའི་མི་དམངས་སློབ་ཆེན་དང་ཨེ་ཅེབ་ཀྱི་ཨེ་ཡིན་ཞ་མུའུ་སི་སློབ་ཆེན་གཉིས་ཀྱིས་མཉམ་དུ་སྐྲུན་པའི་རྒྱུད་གཅིག་ལམ་གཅིག་མཉམ་ལས་ཞིབ་འཇུག་ལྟེ་གནས་ཀྱིས་སྤྱི་ཚེས་༡༣ཉིན་ཨེ་ཡིན་ཞ་མུའུ་སི་སློབ་ཆེན་དུ་སྒོ་བྱང་འགེལ་བའི་མཛད་སྒོ་སྤེལ་བ་དང་། ཨེ་ཅེབ་ཀྱི་རྒྱུད་གཅིག་ལམ་གཅིག་ཞིབ་འཇུག་ལྟེ་གནས་དང་པོ་དངོས་སུ་དབུ་བརྙེས་པ་མཚོན་ཡོད་པ་རེད།
ཨེ་ཅིབ་དུ་བཅའ་སྡོད་ཀྲུང་གོའི་གཞུང་ཚབ་ཆེན་མོ་སོན་ཨེ་གོ་ཡིས་ཞིབ་འཇུག་ལྟེ་གནས་དབུ་བརྙེས་པར་བཀྲ་ཤིས་བདེ་ལེགས་ཞུས་པ་དང་། ཁོང་གིས། ཞིབ་འཇུག་ལྟེ་གནས་དབུ་བརྙེས་པ་ཡིས་ཀྲུང་གོ་དང་ཨེ་ཅེབ་རྒྱལ་ཁབ་གཉིས་ཀྱིས་རྒྱུད་གཅིག་ལམ་གཅིག་དང་འབྲེལ་ཡོད་ཀྱི་གྲོས་འགོའི་རིག་གཞུང་གྲུབ་འབྲས་ལ་མཉམ་སྤྱོད་བྱེད་ཐུབ་པ་དང་། རྒྱལ་ཁབ་གཉིས་ཀྱི་མཉམ་ལས་ཟབ་ཏུ་གཏོང་བར་གོ་སྐབས་སྔར་བས་མང་པོ་འདོན་སྤྲོད་བྱས་ཡོད་ཅེས་བསྟན་ཡོད་པ་རེད།
ཨེ་ཅེབ་མཐོ་རིམ་སློབ་གསོ་དང་ཚན་རིག་ཞིབ་འཇུག་པུའུ་ཀྲང་འབུམ་རམས་པ་ཅ་ཧྥ་ཡིས། རྒྱུད་གཅིག་ལམ་གཅིག་ཞིབ་འཇུག་ནི་ཧ་ཅང་གལ་འགངས་ཆེ་བའི་ཞིབ་འཇུག་ཅིག་ཡིན་པ་དང་། ཨེ་ཅེབ་ནས་ཞིབ་འཇུག་ལྟེ་གནས་ཀྱི་ཞིབ་འཇུག་གྲུབ་འབྲས་ལ་རེ་བས་ཁེངས་ཡོད་ཅེས་བརྗོད་ཡོད་པ་རེད།