རྒྱལ་ཁབ་ཀྲུའུ་ཞི་ཞི་ཅིན་ཕིང་གི་སྐུ་ཟླ་ཕེང་ལིད་ཡོན་ནས་ཧྥེན་ལན་ཙུང་ཐུང་གི་སྐུ་ཟླ་ཧའོ་ཅི་ཨོའུ་དང་རོལ་དབྱངས་སྙན་ངག་སྤྲོ་ཚོགས་ལ་གཟིགས་པ།
སྤེལ་དུས 2019-01-16
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སངས་སྐྱབས་ཀྱིས་བསྒྲིགས།
ཀྲུང་དབྱང་རླུང་འཕྲིན་ལས་ཁུངས་ནས་སྤེལ་བའི་གནས་ཚུལ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གི་སྐུ་ཟླ་ཕེང་ལིད་ཡོན་ནས་སྤྱི་ཚེས་15ཉིན་ཧྥེན་ལན་ཙུང་ཐུང་གི་སྐུ་ཟླ་ཧའོ་ཅི་ཨོའུ་དང་པེ་ཅིན་གྱི་ཆན་མེན་པེ་ཅིན་ཧྥང་དུ་རོལ་དབྱངས་སྙན་ངག་སྤྲོ་ཚོགས་གཟིགས་གནང་ཡོད། ཕེང་ལིད་ཡོན་གྱིས་གཡས་དབྱི་ཐང་ཚོམས་ཆེན་གྱི་ཕྱག་དཔེ་ཁང་དུ་ཧའོ་ཅེ་ཨོའུ་ལ་སྤྲོ་སེམས་རབ་ཏུ་འཁོལ་བའི་ངང་སྣེ་ལེན་ཞུས་པ་དང་། ཁོང་གཉིས་པོས་ཕྱག་དཔེ་ཁང་གི་བརྗོད་དོན་གཙོ་བོའི་ཁྱབ་ཁོངས་ཁག་ལ་གཟིགས་སྐོར་གནང་སྟེ་འབྲེལ་ཡོད་པེ་ཅིན་ཧྥེང་དང་ཕྱག་དཔེ་ཁང་གི་ངོ་སྤྲོད་གསན་གནང་ཡོད། རྒྱལ་ཁབ་གཉིས་པོའི་གཙོ་བདག་གི་སྐུ་ཟླ་རྣམ་གཉིས་ནས་མཉམ་དུ་དྲན་རྟེན་སྐུ་པར་བསྐྱོན་ཡོད། ཕེང་ལིད་ཡོན་ནས་ཧའོ་ཅི་ཨོའུ་ལ་ཆན་མེན་ཏ་ཀྲ་ལན་ས་ཁུལ་གྱི་ལོ་རྒྱུས་དང་ཉམས་གསོའི་གནས་ཚུལ་ངོ་སྤྲོད་གནང་ཡོད་པ་རེད།
ཕྱག་དཔེ་ཁང་གི་ཐོག་རྩེག་གསུམ་པར། རྒྱལ་ཁབ་གཉིས་པོའི་གཙོ་བདག་གི་སྐུ་ཟླ་རྣམ་གཉིས་ནས་གསོལ་ཇ་མཆོད་ཀྱིན་པེ་ཅིན་ཕྱི་སྐད་སློབ་ཆེན་དང་ཀྲུང་གོའི་རོལ་དབྱངས་སློབ་གླིང་གི་དགེ་སློབ་ཚོས་འཁྲབ་སྟོན་གནང་བའི་ངོ་མཚར་ཆེ་བའི་འཁྲབ་སྟོན་གཟིགས་གནང་ཡོད། སློབ་མ་ཚོས་ཧའོ་ཅི་ཨོའུ་ནས་གསར་རྩོམ་གནང་སྟེ་བྱ་དགའ་ཐོབ་པའི་སྙན་ངག་སྐད་གསང་མཐོན་པོས་གྱེར་འདོན་གནང་བ་མ་ཟད། ཀྲུང་གོའི་གནའ་བོའི་སྙན་ངག་དཔྱིད་དཔལ་རབ་ཏུ་བཞད་ཅེས་པ་དང་ཧྥེང་ཆོའུ་ཧོང་ཞེས་པ་གྱེར་ཀློག་གནང་ཡོད། ཨོག་ལེན་ཆུང་བ་དང་ཀང་ཆིན་ཐོག་ནས་ཧྥེན་ལན་གྱི་གཞས་གདངས་རྩོམ་མཁན་ཞི་པེ་ལེའུ་སིའི་བརྩམས་ཆོས་དཀྲོལ་གཏོང་གནང་ཡོད་པ་རེད།