ལྷ་ས་ནས་ནག་ཆུའི་བར་གྱི་ལམ་ཐག་ཆུ་ཚོད་གསུམ་ཐུང་དུ་འགྲོ་རྒྱུ་རེད།
སྤེལ་དུས 2020-05-21
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
རྒྱལ་ལམ་༡༠༩ནག་ཆུ་ནས་ལྷ་སའི་བར་གྱི་རིམ་མཐོའི་གཞུང་ལམ་འཛུགས་སྐྲུན་དེ་ནི་རང་ལྗོངས་ཀྱི་འཛུགས་སྐྲུན་རྣམ་གྲངས་གལ་ཆེན་ནང་གི་གཅིག་ཡིན། མིག་སྔར་རྣམ་གྲངས་དེའི་ལམ་དུམ་ཁག་ཕྱོགས་ཡོངས་ནས་བསྐྱར་སྐྲུན་བྱེད་མགོ་ཚུགས་ཡོད། ལས་གྲྭ་དེ་ལེགས་འགྲུབ་བྱུང་ཚེ། ནག་ཆུ་ནས་ལྷ་སའི་བར་གྱི་ལམ་ཐག་ཆུ་ཚོད་༣ཇེ་ཐུང་དུ་འགྲོ་གི་ཡོད།
ནག་ཆུ་གྲོང་ཁྱེར་ལྷོ་མ་གྲོང་རྡལ་གྱི་ལྷ་ནག་གཞུང་ལམ་གྱི་ཨར་ལས་བྱ་ཡུལ་དུ། ས་རྐོ་འཕྲུལ་ཆས་དང་བྱེ་འདྲེན་རླངས་འཁོར་སོགས་ཕར་འགྲོ་ཚུར་འོང་ངང་ལས་གྲྭར་བྲེལ་འཚུབ་ཀྱི་རྣམ་པས་ཁེངས་ཡོད།
ཤེས་རྟོགས་བྱུང་བར་གཞིགས་ན། ལྷ་ནག་གཞུང་ལམ་གྱི་ལམ་དུམ་ཁག་གི་ལས་གྲྭ་དེ་ཟླ་༤པའི་ཟླ་མཇུག་ནས་གཅིག་རྗེས་གཉིས་མཐུད་ཀྱིས་བསྐྱར་སྐྲུན་བྱེད་མགོ་ཚུགས་པ་དང་། རིམས་ནད་འགོག་ཟོན་གྱི་ལས་ཀ་དག་ལེགས་པར་སྒྲུབ་པ་དང་དུས་མཚུངས་། གཞུང་ལམ་གྱི་ལས་གྲྭ་ཡང་དུས་ལྟར་ལེགས་སྒྲུབ་བྱ་རྒྱུར་འབད་བཞིན་ཡོད།
ལྷ་ནག་གཞུང་ལམ་དུམ་མཚམས་དང་པོ་སྟེ། ནག་ཆུ་ནས་ཡངས་པ་ཅན་བར་གྱི་རྣམ་གྲངས་འཛུགས་སྐྲུན་པུའུ་ཡི་པུའུ་ཀྲང་ལི་ཇེས་ངོ་སྤྲོད་བྱ་རྒྱུར། དུམ་མཚམས་དང་པོར་ཁྱོན་ཡོངས་སྤྱི་ལེ་༦༤.༠༨ཡོད་པ་དང་། ཟམ་པ་བསྡོམས་ན་༢༥ཡོད། མིག་སྔར་རྣམ་གྲངས་ནང་ཞུགས་མཁན་མི་༡༦༠༠ལྷག་ཡོད་ཅིང་། འཆར་གཞིར་མི་༢༡༠༠ཟིན་གྱི་ཡོད། ད་ལོའི་ཟླ་༩ཚེས་༣༠ཉིན་ཕྱོགས་ཡོངས་ནས་ལས་འགན་དེ་བསྒྲུབ་རྒྱུར་འབད་བརྩོན་བྱ་རྒྱུ་ཡིན་ཞེས་བཤད་པ་རེད།