བོད་ལྗོངས་ཀྱིས་ཆུ་འདོན་ལས་གྲྭ་ཁྲི2.8ལྷག་ཙམ་བསྐྲུན་པ།
སྤེལ་དུས 2024-11-15
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་པ་པོ།
ཉེ་དུས་བོད་ལྗོངས་ཀྱིས་གྲོང་གསེབ་ཀྱི་གཅིག་སྡུད་ཆུ་མཁོ་འདོན་གྱི་ལས་གྲྭའི་རྣམ་གྲངས་མང་པོ་དང་དེ་བཞིན་གྲོང་གསེབ་ཀྱི་འཐུང་ཆུ་དུད་ཚང་སོ་སོའི་ཐབ་ཚང་དུ་སྤྱོད་པའི་ལས་གྲྭ་གཅིག་རྗེས་གཉིས་མཐུད་ངང་ལེགས་གྲུབ་བྱས་པ་དང་འབྲེལ་བེད་སྤྱོད་ཀྱང་ཐུབ་ཡོད།
འཁྱགས་གཏོར་ཆུ་ལེན་དང་། ཐག་རིང་ནས་ཆུ་ལེན་པ། ས་བབ་མཐོ་ཞིང་དུས་ཚིགས་རང་བཞིན་གྱི་ཆུ་ཆད་པ། ཆུའི་སྤུས་ཚད་བརྟན་པོ་མེད་པ་སོགས་ནི་བོད་ལྗོངས་ཀྱི་ཐག་རིང་ལུང་ཁུག་ཞིང་འབྲོག་ཁུལ་གྱི་འཐུང་ཆུའི་བདེ་འཇགས་ལ་འཕྲད་པའི་དཀའ་གནད་ཅིག་རེད།
ཞིང་འབྲོག་པའི་བདེ་ཐང་འཐུང་ཆུ་འགན་ལེན་བྱ་ཆེད། བོད་ལྗོངས་ཀྱིས་ཡུལ་བབ་དང་བསྟུན་ནས་གྲོང་ཁྱེར་དང་གྲོང་གསེབ་ཀྱི་ཆུ་མཁོ་འདོན་གཞི་གཅིག་ཅན་དང་། གཅིག་སྡུད་གཞི་ཁྱོན་ཅན། ལས་གྲྭ་ཆུང་གྲས་ཚད་ལྡན་ཅན་བཅས་ཀྱི་སྒྱུར་བཀོད་ལས་གཞིར་སྐུལ་འདེད་གཏོང་བ་དང་། གྲོང་གསེབ་ཀྱི་འཐུང་ཆུའི་བདེ་འཇགས་དེ་གྲོང་གསེབ་ཀྱི་ཆུ་མཁོ་འདོན་འགན་ལེན་ལ་བསྒྱུར་རྒྱུར་སྐུལ་འདེད་གཏོང་བ། ཞིང་འབྲོག་ཁུལ་གྱི་ཆུ་མཁོ་འདོན་འགན་ལེན་ནུས་པ་རྒྱུན་ཆད་མེད་པར་ཆེ་རུ་གཏོང་བ་བཅས་བྱས།
ཤེས་རྟོགས་བྱུང་བར་གཞིགས་ན། མིག་སྔའི་བར་བོད་ལྗོངས་ཀྱིས་གྲོང་གསེབ་ཀྱི་ཆུ་མཁོ་འདོན་ལས་གྲྭ་ཁྱོན་ཁྲི2.8ལྷག་ཙམ་བསྐྲུན་པ་དང་གྲོང་གསེབ་ཀྱི་རང་འབབ་ཆུ་ཀ་ལ་ཁྱབ་གདལ་གཏོང་ཚད2021ལོའི64%ནས་མིག་སྔའི68.7%བར་མཐོ་རུ་ཕྱིན་པ་དང་མི་སྟོང་ཡན་གྱི་གཅིག་སྡུད་ཆུ་མཁོ་འདོན་ལས་གྲྭས་གྲོང་གསེབ་ཀྱི་མི་འབོར་ལ་ཞབས་འདེགས་ཞུ་བའི་བསྡུར་ཚད2021ལོའི11%ནས་མིག་སྔའི15.3%བར་མཐོ་རུ་ཕྱིན་ནས་ཕན་པ་ཐོབ་པའི་མི་འབོར་ཁྲི276ཟིན་གྱི་ཡོད།
