གེ་སར་ལོ་རྒྱུས་སྙན་ངག་གི་བོད་ལུགས་གཙག་དྲུབ་རིང་མོ་ཀོས་ནན་དུ“གཙག་མགོ”བརྩམས་པ།
སྤེལ་དུས 2020-06-28
ཡོང་ཁུངས། མཚོ་སྔོན་བོད་ཡིག་གསར་འགྱུར།
རྩོམ་པ་པོ།
ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས18ཉིན། མཚོ་སྔོན་གྱི་གཙག་དྲུབ་སྟེ། ཀོས་ནན་བོད་ལུགས་གཙག་དྲུབ་སྤུས་ལེགས་ཐོན་རྫས་འགྲེམ་སྟོན་དང་གེ་སར་ལོ་རྒྱུས་སྙན་ངག་གི་བོད་ལུགས་གཙག་དྲུབ་རིང་མོ་གཙག་མགོ་རྩོམ་པའི་མཛད་སྒོ་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་བྱ་མདོ་ཞང་སྡེ་མང་སྡེ་བར་སྤེལ་ཞིང་། མ་དངུལ་སྒོར་ཁྲི2800ལྷག་བཏང་བ་དང་། ནང་གི་ཚངས་ཐིག་ཞེང་ཚད་ལ་སྨི1.1ཡོད་ཅིང་། ཤོག་དྲིལ་སྤྱིའི་རིང་ཚད་ལ་སྨི260ཡོད་པའི་གེ་སར་ལོ་རྒྱུས་སྙན་ངག་གི་བོད་ལུགས་གཙག་དྲུབ་རིང་མོ་དངོས་སུ“གཙགས་མགོ”བརྩམས།
མཚོ་སྔོན་དམངས་ཁྲོད་སྲོལ་རྒྱུན་གཙག་དྲུབ་ཀྱི་བསྡུས་མིང་ལ“མཚོ་སྔོན་གཙག་དྲུབ”ཅེས་འབོད་ཅིང་། མཚོན་བྱེད་རང་བཞིན་ལྡན་པའི་ཧོར་རིགས་གཙག་དྲུབ་དང་། རྨ་ཙོང་གཙག་དྲུབ། ཀོས་ནན་བོད་ལུགས་གཙག་དྲུབ། ཧོང་ཀྲུང་གཙག་དྲུབ་སོགས་སྔ་གཞུག་ཏུ་རྒྱལ་ཁབ་རིམ་པ་དང་། ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་ཚབ་མཚོན་བརྩམས་ཆོས་ཀྱི་མིང་ཐོའི་གྲས་སུ་ཚུད། དེའི་ཁྲོད་དུ། ལོ་རྒྱུས་ཤིན་ཏུ་རིང་བའི་ཀོས་ནན་བོད་ལུགས་གཙག་དྲུབ་ཀྱི་སྙན་གྲགས་ས་ཕྱོགས་ཀུན་ལ་ཁྱབ་ཡོད་པས།“བོད་ལུགས་གཙག་དྲུབ་ཀྱི་ཕ་ས”ཞེས་པའི་མཚན་སྙན་ཐོབ་ཡོད།
འགན་སྒྲུབ་ལས་ཁུངས་ཡིན་པའི་ཀོས་ནན་རྫོང་རིན་ཆེན་བོད་ཀྱི་རིག་གནས་སྒྱུ་རྩལ་གསར་སྤེལ་ཚད་ཡོད་ཀུང་སིའི་འགན་འཁུར་པ་རིན་ཆེན་རྒྱལ་གྱིས་ངོ་སྤྲོད་བྱས་པ་ལྟར་ན། ཀོས་ནན་བོད་ལུགས་གཙག་དྲུབ་ནི་ས་དེའི་རོང་འབྲོག་པའི་ཡོང་སྒོ་འཕར་བའི་ཐབས་ལམ་གལ་ཆེན་ཞིག་ཡིན་པའི་ཆ་ནས། གེ་སར་ལོ་རྒྱུས་སྙན་ངག་གི་བོད་ལུགས་གཙག་དྲུབ་རིང་མོ“གཙག་མགོ”བརྩམས་པ་དེས“མངོན་མིན་རིག་གནས་ཤུལ་བཞག”དེ་མང་ཚོགས་ཀྱི་འཚོ་བའི་ཁྲོད་དང་མང་ཚོགས་དཀྱུས་མའི་ཁྲོད་དུ་བསྐྱོད་པར་སྐུལ་མ་བཏང་ཡོད་ཅིང་། ས་དེའི་མངོན་མིན་རིག་གནས་ཤུལ་བཞག་གི་ཞིབ་འཇུག་དང་སྲུང་སྐྱོང་ལ་ཕན་ནུས་དང་ལྡན་པའི་སྒོ་ནས་སྐུལ་མ་བཏང་ཡོད་ལ། མངོན་མིན་རིག་གནས་ཤུལ་བཞག་གསོན་ཉམས་ལྡན་པའི་ངང་རྒྱུན་འཛིན་བྱས་ཡོད།
ཤེས་གསལ་ལྟར་ན། གེ་སར་ལོ་རྒྱུས་སྙན་ངག་གི་བོད་ལུགས་གཙག་དྲུབ་རིང་མོ་ཡོངས་སུ་འགྲུབ་པར་གཙག་དྲུབ་མཁན50ཡིས། དུས་ཡུན་ལོ་ལྔ་རིང་གཙག་དགོས། བརྩམས་ཆོས་གྲུབ་རྗེས། བོད་རིགས་ཀྱི་སྲོལ་རྒྱུན་མཐའ་སྒྲོམ་ཤོག་སྦྱར་མཛེས་བཟོ་རྣམ་པ་སྤྱད་དེ། གོང་འོག་དོ་སྙོམས་ཀྱིས་འཚེམ་དྲུབ་དང་རས་སྦྱར་རིས་དབྱིབས་ཟུང་འབྲེལ་བྱས་ཏེ་གྲུབ་པ་དང་། སྨི2རེའི་མཚམས་སུ་རྒྱན་སྤྲས་གཙགས་དྲུབ་བྱང་བུ་རེ་སྦྱར་ཡོད་ལ། གཙགས་དྲུབ་བྱང་བུ་རེ་རེའི་ནང་དོན་ནི་གེ་སར་དང་དུས་མཉམ་ཡིན་པའི་འཚོ་བའི་ཅ་ལག་ཡིན། དེའི་ཁྲོད་དུ། ལག་རྩལ་ཁོང་དུ་ཆུད་པའི་བུད་མེད་ཀྱིས་བོད་ལུགས་གཙགས་དྲུབ་བརྒྱུད་ནས་བཙལ་བའི་ལོ་རེའི་ཡོང་སྒོ་སྒོར་ཁྲི4ཡན་ལ་སླེབས་ཐུབ། །
རྩོམ་སྒྲིག་པ། སངས་སྐྱབས།