རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཁྲིམས་འཛུགས་བྱ་བའི་གྲོས་ཚོགས་བསྡུས།
སྤེལ་དུས 2018-09-10
ཡོང་ཁུངས། མཚོ་སྔོན་བོད་སྐད་རླུང་འཕྲིན།
རྩོམ་པ་པོ། སངས་སྐྱབས་ཀྱིས་བསྒྲིགས།
ཟླ་དགུ་པའི་ཚེས་བདུན་ཉིན་གྱི་སྔ་དྲོར། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་བྱ་བའི་གྲོས་ཚོགས་མི་དམངས་ཚོགས་ཁང་ཆེན་མོ་ནང་བསྡུས་པ་དང་། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ལི་ཀྲན་ཧྲུའུ་གྲོས་ཚོགས་ལ་ཞུགས་པར་མ་ཟད་གསུང་བཤད་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་བྱ་བའི་གྲོས་ཚོགས་ཚེས་བདུན་ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོའི་ནང་བསྡུས་པ་དང་། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ལི་ཀྲན་ཧྲུའུ་གྲོས་ཚོགས་ལ་ཞུགས་པར་མ་ཟད་གསུང་བཤད་གནང་། ཁོང་གིས་ནན་གྱིས་བསྟན་དོན། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་ཁྲིད་དུ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཁྱོན་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བའི་འདུ་ཤེས་གསར་བ་དང་བསམ་བློ་གསར་བ། འཐབ་ཇུས་གསར་བ་ལག་ལེན་མཐར་ཕྱིན་བྱེད་པ། དུས་རབས་གསར་བའི་ཁྲིམས་འཛུགས་བྱ་བ་བཟང་བོར་བསྒྲུབ་པའི་གཞི་རྩའི་རེ་བ་ཁོང་དུ་ཆུད་པར་བྱེད་པ་དང་། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་འཆར་གཞི་ཁྱོན་ཡོངས་ནས་ལག་བསྟར་བྱེད་པ། སེམས་ཤུགས་གཅིག་སྒྲིལ་དང་འབད་འཐབ་ལྷོད་མེད་བྱས་ཏེ། དུས་རབས་གསར་བའི་ཁྲིམས་འཛུགས་བྱ་བའི་ཐད་ཀྱི་ལེའུ་གསར་བ་འབྲི་དགོས་ཟེར།
ལི་ཀྲན་ཧྲུའུ་ཡིས་ནན་གྱིས་བསྟན་དོན། ཁྲིམས་སྐྱོང་འཕེལ་རྒྱས་སུ་སོང་ན་རྒྱལ་ཁབ་འཕེལ་རྒྱས་སུ་འགྲོ་ཐུབ་ལ། ཁྲིམས་སྐྱོང་སྟོབས་ལྡན་དུ་གྱུར་ན་རྒྱལ་ཁབ་སྟོབས་དང་ལྡན་པར་འགྱུར་ཐུབ། མ་འོངས་བའི་ལོ་ལྔ་ནི་བརྒྱ་ལོ་གཉིས་ཀྱི་འབད་འཐབ་དམིགས་འབེན་མངོན་འགྱུར་བྱེད་པའི་ལོ་རྒྱུས་ཀྱི་སྣོལ་མཚམས་དུས་སྐབས་ཡིན་པས། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་ཏང་དང་རྒྱལ་ཁབ་ལས་དོན་འཕེལ་རྒྱས་སུ་གཏོང་བའི་བླང་བྱ་གསར་བ་མཚོན་པར་བྱེད་པ་དང་། མི་དམངས་མང་ཚོགས་ཀྱི་མཛེས་སྡུག་གི་འཚོ་བའི་ཐད་ཀྱི་རེ་འདོད་སྐོང་བ། ངེས་པར་དུ་དུས་རབས་གསར་བས་ཁྱེར་ཡོང་བའི་གནས་བབ་གསར་བ་དང་འགྱུར་ལྡོག་གསར་བར་ངོས་འཛིན་གཏིང་ཟབ་བྱེད་པ་དང་། དུས་རབས་གསར་བས་བཏོན་པའི་ལས་འགན་གསར་བ་དང་བླང་བྱ་གསར་བར་ངོས་འཛིན་གཏིང་ཟབ་བྱེད་པ། རང་རྟོགས་སྒོས་ཁྲིམས་འཛུགས་བྱ་བ་དེ་ཏང་དང་རྒྱལ་ཁབ་ལས་དོན་གྱི་སྤྱི་ཡོངས་ཁྲོད་བཞག་ནས་འཆར་འགོད་བྱེད་པ་དང་བཟང་བོར་སྤེལ་ནས། དུས་རབས་གསར་བའི་ང་ཚོར་བསྩལ་བའི་བླ་མེད་འགན་འཁྲི་ཕྲག་ཏུ་ལེན་དགོས་ཟེར།
ཚོགས་ཐོག་ནས་ཁྲིམས་འཛུགས་འཆར་གཞིའི་འབྲེལ་ཡོད་གནས་ཚུལ་བརྒྱུད་སྒྲོག་བྱས། ཝང་ཁྲིན་གྱིས་གྲོས་ཚོགས་ལ་འགོ་མཛིན་བྱས།
