དོར་ཞི་གདོང་དྲུག་སྙེམས་པའི་བློ་ལྡན་ངོ་སྤྲོད་མདོར་བསྡུས།

  དོར་ཞི་བློ་བཟང་ཐུབ་བསྟན་ཆོས་འཕེལ་ལམ་དོར་ཞི་གདོང་དྲུག་སྙེམས་པའི་བློ་ལྡན་མཆོག་ནི་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ་དང་འབུམ་རམས་པའི་ཁྲིད་སྟོན་དགེ་རྒན་ཆེན་མོ་ཡིན་ལ། ཁོང་ཉིད་བོད་རིག་གཞུང་ཆེན་མོའི་ཤེས་བྱའི་གནས་མཐའ་དག་ལ་འཇུག་པ་ཡངས་པ་མ་ཟད། རྒྱ་བརྒྱུད་ནང་བསྟན་དང༌། ལོ་རྒྱུས་རིག་གནས་ལ་ནང་བྱན་ཆུད་པས་རྒྱའི་མཁས་པའི་ཁྲོད་དུའང་སྙན་པའི་གྲགས་པ་མཐོ།   དང་པོ་གཞུང་ལུགས་ཐོས་པ་རྒྱ་ཆེར་བཙལ་བ་ནས། ད་ལྟའི་བར་དུ་བོད་ཀྱི་སློབ་གསོ་དང་རིག་གཞུང་ཞིབ་འཇུག་གི་ལས་གཅིག་ལྕོགས་བཞེས་པའི་ཞར་ལ་རྒྱ་བོད་ཡིག་རིགས་གཉིས་ཀའི་སྟེང་ནས་ནང་བསྟན་ཆོས་ལུགས་དང༌། བརྡ་སྤྲོད། སྙན་གཞུང༌། ལོ་རྒྱུས་སོགས་ཀྱི་གཞུང་དེབ་ཉི་ཤུར་ཉེ་བ་བརྩམས་ཤིང༌།   དེང་རབས་བོད་ཀྱི་མཁས་པའི་ཁྲོད་དུ་༼རིགས་པ་སྨྲ་བའི་ཁྱུ་མཆོག་༽ཏུ་ངེས་པ་དོན་གྱིས་གྲུབ་འདུག