གོང་སྨན་དཀོན་ཅོག་བདེ་ལེགས།

   རབ་བྱུང་བརྒྱད་པའི་མེ་ཡོས（༡༤༤༧）ལོར་གཙང་ས་སྐྱར་སྐུ་འཁྲུངས། བྲང་ཏི་ཆོས་རྒྱལ་བཀྲ་ཤིས་སོགས་སློབ་དཔོན་མང་པོར་བསྟེན་པ་དང་། གངས་རིའི་ལྗོངས་ན་གྲགས་པའི་གསོ་བ་རིག་པའི་ཡིག་ཆ་ཕལ་མོ་ཆེ་ལ་ཞིབ་ཏུ་གཟིགས་ཏེ་མཁས་པ་དུ་མའི་སྙན་བརྒྱུད་གབ་པ་རྣམས་ཁོལ་ཏུ་བཏོན་ནས་ཁྲིགས་སུ་བསྡེབས་པའི་མན་ངག་པོ་ཏི་དམར་པོ་དང་། པོད་ནག པོད་ཁྲ།《ཕྱི་མའི་རྒྱུད་ཀྱི་དཀའ་འགྲེལ་གནད་ཐམས་ཅད་གསལ་བའི་སྒྲོན་མེ》《བརྒྱུད་པའི་རྣམ་ཐར》《སྨན་མིང་བརྡ་སྤྲོད》《རྒྱུད་ཀྱི་དཀའ་འཕྲང་འགྲོལ་བའི་ཤོག་སེར》བཅས་པོད་བདུན། 《རྩ་ཆུའི་གནད་འགྲོལ་ཞལ་གྱི་གདམས་པ་དམར་འབྱིན》《སྔོའི་འཁྲུངས་དཔེ་དོན་བསྡུས》《ཁྱད་པར་དུ་དཔལ་ལྡན་རྒྱུད་བཞི་ལ་མཆན་འགྲེལ་ཤིན་ཏུ་རྒྱས་པར་འདེབས་པའི་རྒྱུད་ཆེན》《ཕྲ་མོ་བེའུ་བུམ་སེང་ལྡིང་མར》གྲགས་པ་སློབ་དཔོན་བསྟེན་མི་དགོས་པར་བལྟས་པ་ཙམ་གྱིས་གྲོལ་བར་བཞེད་པ》རྣམས་མཛད་དེ་གསོ་བ་རིག་པའི་བསྟན་པ་དགུང་དུ་བཏེགས། གོང་སྨན་དཀོན་མཆོག་ཕན་དར་སོགས་སློབ་མ་མང་དུ་བསྐྱངས། རབ་བྱུང་བརྒྱད་པའི་མེ་སྟག（༡༥༠༦）ལོར་གཤེགས་པར་གྲགས།