གནད་སྨིན་ཇུས་བསྟར་བྱས་ཏེ་བཀག་མཚམས་ཤར་གཏོང་དང་ཆད་མཚམས་གསབ་དགོས།

          དཔྱད་གཏམ་ནང་། ལས་འགོ་བསྐྱར་འཛུགས་དང་ཐོན་སྐྱེད་སླར་གསོའི་ལས་ཆོད་མཐོ་རུ་གཏོང་བར་ཤར་གཏོང་ཡོང་བའི་ཐད་ཤུགས་སྣོན་རྒྱག་པ་དང་། ཁ་གསབ་བྱེད་པའི་ཐད་ཐབས་ལམ་འཚོལ་དགོས། ཉེན་ཁ་ཆུང་བའི་ས་ཁུལ་བར་མི་སྣའི་འགྲོ་འོང་དང་དངོས་ཟོག་འཁོར་རྒྱུག་བྱེད་པར་རྒྱལ་ཡོངས་སུ་ཕན་ཚུན་ཁས་ལེན་བྱེད་པའི་དགོས་ངེས་ཀྱི་བདེ་ཐང་དཔང་ཡིག་ཡོད་དགོས། སྔོན་འགོག་ཚོད་འཛིན་གྱི་གཞི་རྩའི་དགོས་མཁོ་འགན་ལེན་བྱས་པའི་འོག བཀག་སྡོམ་ས་ཚིགས་སྒོ་འབྱེད་དགོས་པ་ཕྱེ་གང་ཐུབ་དང་། འགྲོ་ལམ་བཀག་པ་རྣམས་ཤར་གཏོང་གང་ཐུབ་བྱེད་དགོས་ཞེས་བསྟན་ཡོད།
          དཔྱད་གཏམ་ནང་། ས་གནས་ཁག་གིས་འགྲོ་ལམ་བཀག་པའི་ས་ཚིགས་རྣམས་གང་མགྱོགས་སླར་གསོ་དང་། ཞན་ཆ་གསབ་པ། སྒུལ་ནུས་གསར་པ་འདོན་སྤེལ་བཅས་བྱས་ཏེ། རིམས་ནད་སྔོན་འགོག་ཚོད་འཛིན་ཁྲོད་ཐོན་པའི་འཛད་སྤྱོད་རྣམ་པ་གསར་པ་དང་རིམ་སྤོར་འཛད་སྤྱོད་སྐྱེད་སྲིང་དང་སྟོབས་ཆེར་གཏོང་རྒྱུར་ཤུགས་སྣོན་རྒྱག་པ་དང་། སྤྱི་པའི་འཕྲོད་བསྟེན་ཞབས་ཞུ་དང་བབ་བསྟུན་དངོས་ཟོག་འགན་ལེན་ཁྱབ་ཁོངས་ལ་མ་དངུལ་གཏོང་ཤུགས་ཆེ་རུ་གཏོང་བ། 5Gདྲ་བ་དང་གྲངས་གཞིའི་ལྟེ་གནས་སོགས་རྨང་གཞིའི་སྒྲིག་བཀོད་གསར་པ་འཛུགས་སྐྲུན་བྱེད་པའི་འཕེལ་རིམ་མགྱོགས་སུ་གཏོང་དགོས་ཞེས་ནན་སྟོན་བྱས་ཡོད་པ་རེད།

རྩོམ་སྒྲིག་པ། བདེ་སྒྲོལ།