དཀའ་གནད་དུས་ཐོག་ཏུ་སེལ་ནས་ཐོན་ལས་འབྲེལ་ཐག་དང་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་ཡོང་རྒྱུར་སྐུལ་འདེད་གཏོང་དགོས།

          དཔྱད་གཏམ་ནང་། ལས་འགོ་བསྐྱར་འཛུགས་དང་ཐོན་སྐྱེད་སླར་གསོར་གཅིག་གྱུར་གྱི་བསམ་གཞིགས་བྱེད་པ་དང་སྤྱི་ཡོངས་ནས་འཆར་འགོད་བྱེད་དགོས། བྱ་ཐབས་མང་པོ་མཉམ་བཟུང་གིས་བརྟན་པོ་དྲུག་གི་བྱ་ཐབས་བཟུང་ཤུགས་ཆེ་རུ་གཏོང་བ་དང་། དངུལ་རྩའི་ཡིད་རྟོན་དངུལ་བུན་དང་འགྲིམ་འགྲུལ་ཟོག་འདྲེན། ཞབས་ཞུ་མཛུབ་ཁྲིད་སོགས་ཕྱོགས་མང་པོའི་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་ཡོང་རྒྱུར་སྤྱི་ཡོངས་ཀྱི་འགན་སྲུང་ཆ་རྐྱེན་བསྐྲུན་དགོས་ཞེས་འཁོད་ཡོད།
          དཔྱད་གཏམ་ནང་། མཉམ་དཀྲོལ་རོལ་དབྱངས་ཡག་པོ་གཏོང་བར་སྡེ་ཁག་དང་ས་ཁུལ་བར་མཐུན་སྦྱོར་གཅིག་གྱུར་འཆར་འགོད་བྱེད་ཤུགས་ཆེ་རུ་གཏོང་བ་དང་། ཐོན་ལས་འབྲེལ་ཐག་གོང་འོག་གཉིས་ཀྱི་ཆ་སྦྱོར་ཁེ་ལས་ཡག་པོ་གཉེར་བ། མ་བཅོས་རྒྱུ་ཆ་དང་ཐོན་སྐྱེད། བྲིན་འཚོང་བཅས་གཞི་གཅིག་ཅན་གྱི་འཁོར་རྒྱུག་འཕར་རྩ་ཆེན་པོ་ཤར་གཏོང་ཐུབ་པ་བྱེད་དགོས་ཞེས་འཁོད་ཡོད།
          དཔྱད་གཏམ་གྱི་མཇུག་ཏུ། འགག་གནས་དམ་འཛིན་བྱེད་པ་དང་གཙོ་གནད་ས་ཁུལ་དང་གཙོ་གནད་ལས་རིགས། གཙོ་གནད་ཁེ་ལས་བཅས་ལ་དོ་ཁུར་བྱས་ནས་ཐོན་ནུས་འདོན་སྤེལ་ཧུར་ཐག་བྱེད་པ་དང་ལས་འགོ་བསྐྱར་འཛུགས་དང་ཐོན་སྐྱེད་སླར་གསོའི་ལས་ཆོད་མཐོ་རུ་གཏོང་བ་བརྒྱུད་མཐར་ལས་རིགས་ཁག་སྤྱི་ཡོངས་མཐུན་སྦྱོར་གོང་འཕེལ་ཡོང་བའི་ཕན་འབྲས་ཐོན་པ་བྱེད་དགོས་ཞེས་འཁོད་ཡོད།

རྩོམ་སྒྲིག་པ། བདེ་སྒྲོལ།