ལག་གདང་སྦྲེལ་ནས་རིམས་འགོག་བྱས་ཏེ། མིའི་རིགས་ཐུན་མོང་གི་ཁྱིམ་གཞིས་ལ་སྲུང་སྐྱོབ་བྱེད་ཅེས་པ་སྟེ། འཛམ་གླིང་འཕྲོད་བསྟེན་ཉིན་མོར་བྲིས།

          དཔྱད་གཏམ་ནང་། ནད་ཡམས་ཐོན་རྗེས། ཀྲུང་གོས་ཕྱི་གསལ་ནང་གསལ་དང་། དུས་ཐོག་ཕན་ཡོད་ཀྱི་ཆ་འཕྲིན་མཉམ་སྤྱོད་བྱས་པས། རྒྱལ་ཁབ་གཞན་པས་གང་མགྱོགས་ཏོག་གསར་ནད་དུག་ལ་རྒྱུས་ལོན་ཐུབ་ཡོད། དེའི་ཐོག་ནས་རྒྱལ་ཁབ་ཆེན་མོའི་འགན་སེམས་མཚོན་ཡོད། ཀྲུང་གོས་ཆེས་རྒྱ་ཁྱབ་དང་། ཆེས་ནན་པོ། ཆེས་མཐར་ཕྱིན་བཅས་ཀྱི་སྔོན་འགོག་ཚོད་འཛིན་བྱ་ཐབས་སྤྱད་ནས། དུས་ཚོད་ཐུང་ཐུང་ནང་ནད་ཡམས་རྒྱ་ཁྱབ་ཏུ་འགྲོ་རྒྱུར་བཀག་འགོག་བྱས་ཡོད་པས། དེས་འཛམ་གླིང་ཧྲིལ་པོའི་སྔོན་འགོག་ཚོད་འཛིན་ལ་རྩ་ཆེའི་དུས་ཚོད་བརྩོན་ལེན་བྱས་ཡོད། ཀྲུང་གོས་དམངས་ཡོངས་སྐུལ་སློང་དང་། མཉམ་འགོག་མཉམ་སྲུང་གི་ཕན་ཡོད་བྱ་ཐབས་ཐོག་ནས། འཛམ་གླིང་གི་རིམས་འགོག་ཐད་ཀྲུང་གོའི་ཇུས་གཞི་མཁོ་འདོན་བྱས་ཡོད། ཀྲུང་གོས་སྨན་བཅོས་དངོས་རྫས་རོགས་སྐྱོབ་དང་། ཆེད་མཁས་ཚོགས་པ་མངགས་གཏོང་། མཉམ་ལས་བྱས་ནས་སྔོན་འགོག་སྨན་ཞིབ་བཟོ། རྒྱལ་སྤྱིའི་རྩ་འཛུགས་ལ་ཞལ་འདེབས་འབུལ་བ་སོགས་བྱ་སྤྱོད་ངོ་མའི་ཐོག་ནས། གོ་ལ་ཧྲིལ་པོའི་རིམས་འགོག་ཐད་ཀྲུང་གོའི་སྟོངས་ཤུགས་ལེགས་སྐྱེས་སུ་ཕུལ་ཡོད། ནད་དུག་ལ་རྒྱལ་མཚམས་མེད་པས། ལག་གདང་སྦྲེལ་ནས་ནད་ཡམས་ལ་ཁ་གཏད་གཅོག་རྒྱུ་ནི་ཡང་དག་པའི་གདམ་ག་ཉག་གཅིག་དེ་རེད་ཅེས་ནན་སྟོན་བྱས་འདུག

རྩོམ་སྒྲིག་པ། བདེ་སྒྲོལ།