རང་ལྗོངས་ས་ཁུལ་ཁག་གིས་ཕུན་སུམ་ཚོཌ་པའི་བྱེད་སྒོ་སྤེལ་ཏེ་བོད་ལ་དམངས་གཙོའི་བཅོས་བསྒྱུར་བྱས་ནས་ལོ་ངོ་༦༠འཁོར་བར་དྲན་གསོ་ཞུས།
སྤེལ་དུས 2019-03-28
ཡོང་ཁུངས། བོད་ལྗོངས་འཕྲིན་དྲ།
རྩོམ་པ་པོ། བློ་གྲོས་ཀྱིས་བསྒྱུར།
ཉིན་ཤས་བསྟུད་མར། རང་ལྗོངས་ཀྱི་གྲོང་ཁྱེར༼ས་ཁུལ༽ཁག་དང་ཚན་པ་ཁག་ནས་བོད་ལ་དམངས་གཙོའི་བཅོས་བསྒྱུར་བྱས་ཏེ་ལོ་ངོ་ ༦༠ འཁོར་བར་དྲན་གསོ་ཞུ་ཆེད་ཕུན་སུམ་ཚོགས་པའི་བྱེད་སྒོ་སྤེལ་ནས། རྒྱ་ཆེའི་ཡར་ལངས་ཞིང་བྲན་དང་རྗེས་རབས་པ་ཚོས་སྤྲོ་སེམས་འཁོལ་པོས་རང་ཉིད་ཀྱི་དུས་ཆེན་ལ་རྟེན་འབྲེལ་ཞུས་ཡོད།
གཞིས་རྩེ་གྲོང་ཁྱེར་གཉའ་ལམ་རྫོང་གཉའ་ལམ་གྲོང་རྡལ་གཙང་སྟོད་གྲོང་ཚོས་རྒྱལ་དར་གསར་རྐྱང་བརྗེ་བའི་མཛད་སྒོ་གཉེར་བ་དང་། ས་ཆ་དེ་གའི་དུད་ཁྱིམ ༦༦ གི་མང་ཚོགས་ཚོའི་ལག་ཏུ་ཡང་རྒྱལ་དར་གསར་རྐྱང་རེ་སྤྲད་དེ་སོ་སོའི་ཁང་ཐོག་ཏུ་འཛུགས་སུ་བཅུག་ནས་མི་རིགས་ཁག་གི་མང་ཚོགས་ཚོའི་རྒྱལ་གཅེས་ཀྱི་བསམ་བློ་མུ་མཐུད་གོང་མཐོར་འགྲོ་རྒྱུར་སྐུལ་འདེད་ཐེབས་པ་བྱས་ཡོད།
ལྷོ་ཁ་གྲོང་ཁྱེར་འཕྱོངས་རྒྱས་རྫོང་ཞོལ་ཁང་སྡེ་ཁུལ་གྱི་མང་ཚོགས་ཚོས་བོད་གསར་རྙིང་བསྡུར་བའི་པར་རིས་འགྲེམས་སྟོན་ལ་བལྟས་ནས་མུན་ནག་དང་གདུག་རྩུབ་ཅན་གྱི་བོད་རྙིང་པ་དང་སྤྱི་ཚོགས་རིང་ལུགས་ཀྱི་བོད་ལྗོངས་གསར་པའི་དབར་གྱི་ཁྱད་པར་དང་འགྱུར་ལྡོག་ལ་ངོས་འཛིན་གསལ་པོ་ཐུབ་པ་བྱས།
རྒྱལ་གཅེས་རིང་ལུགས་སློབ་གསོའི་རྟེན་གཞིར་སྐྱོད། སྤྱི་ཚོགས་གསར་རྙིང་མངོན་པའི་པར་རིས་ལྟས།