ཀྲུང་དབྱང་རླུང་བརྙན་འཕྲིན་སྤྱི་ཁྱབ་ལས་ཁུངས་ཀྱི་5Gསྨྱན་སྦྱོར་གསར་པའི་ལས་སྟེགས་ཀྱིས་4Kཅན་གྱི་ཆེས་གསལ་བའི་བརྙན་རིས་སྒྲིག་བཟོ་བྱས་ཏེ་ལེགས་འགྲུབ་བྱུང་བ།
སྤེལ་དུས 2019-03-01
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
རྒྱལ་ཡོངས་ཚོགས་ཆེན་གཉིས་འཚོག་ལ་ཉེ་བའི་སྐབས་འདིར། ཀྲུང་དབྱང་རླུང་བརྙན་འཕྲིན་སྤྱི་ཁྱབ་ལས་ཁུངས་ཀྱི་5Gསྨྱན་སྦྱོར་གསར་པའི་ལས་སྟེགས་ཀྱིས་སྤྱི་ཟླ་༢པའི་ཚེས་༢༨ཉིན་4Kཅན་གྱི་ཆེས་གསལ་བའི་བརྙན་རིས་སྒྲིག་བཟོ་བྱས་ཏེ་ལེགས་འགྲུབ་བྱུང་ཡོད་པ་རེད། ཕྱོགས་ཀུན་ལ་ཁྱབ་པའི་4Kཅན་གྱི་ཆེས་གསལ་བའི་བརྙན་རིས་ཀྱི་བརྡ་རྟགས་ལམ་ཐིག་༡༦་ཡོད་པ་རྣམས་5Gདྲ་རྒྱ་བརྒྱུད་ནས་དུས་ལྟར་དུ་སྤྱི་ཁྱབ་ལས་ཁུངས་ཀྱི་5Gསྨྱན་སྦྱོར་བཀོལ་སྤྱོད་ཚོད་ལྟ་ཁང་དུ་ཕྱིར་གཏོང་བྱེད་ཐུབ་པ་མ་ཟད། ཧྭ་ཝེ་5Gསྟེབས་བརྩེགས་ལག་ཐོགས་ཁ་པར་གྱི་འཆར་ཤེལ་ལས་4Kཅན་གྱི་ལེ་ཚན་ལྟ་ཐུབ་པ་རེད། འདིས་ཀྲུང་དབྱང་རླུང་བརྙན་འཕྲིན་སྤྱི་ཁྱབ་ལས་ཁུངས་ཀྱི་5Gསྨྱན་སྦྱོར་གསར་པའི་ལས་སྟེགས་ཀྱིས་4Kཅན་གྱི་ཆེས་གསལ་བའི་བརྙན་རིས་ཀྱི་བརྡ་རྟགས་མང་པོ་སྡུད་སྒྲིག་དང་ལེ་ཚན་སྣ་ཚོགས་སྒྲིག་བཟོ་བྱེད་པའི་དགོས་མཁོ་སྐོང་ཐུབ་པ་མ་ཟད། གནས་མི་གཅིག་པ་དང་ས་ཚིགས་མི་གཅིག་པ། གོ་རིམ་ཆ་ཚང་བ་དང་ནུས་པ་ཆ་ཚང་བའི་4Kཅན་གྱི་ཆེས་གསལ་བའི་བརྙན་རིས་ཀྱི་ལེ་ཚན་སྒྲིག་བཟོ་དང་ཁྱབ་བསྒྲགས་གི་ནུས་པ་འཛོམས་ཡོད་པས། ད་ལོའི་ཚོགས་ཆེན་གཉིས་ཀྱི་གནས་ཚུལ་སྤེལ་སྐབས་དངོས་སུ་བེད་སྤྱོད་བྱ་རྒྱུ་ཡིན་པ་མཚོན་ཡོད།
རྩོམ་སྒྲིག་པ། སྣང་རྡོ།