ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > 2019ལོའི་རྒྱལ་ཡོངས་ཀྱི་ཚོགས་འདུ་གཉིས། > གསར་འགྱུར།

ཚོགས་ཆེན་གཉིས་ཀྱི་འཐུས་མི་དང་ཨུ་ཡོན་གྱི་སེམས་སྒྲ་༽རྒྱལ་ཡོངས་སྲིད་གྲོས་ཨུ་ཡོན་པེ་ཅིང་དུ་ལས་སྒྲུབ་ལ་འབྱོར་བ།

སྤེལ་དུས 2019-03-03 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། བསྟན་འཛིན་དབང་རྒྱལ་གྱིས་བསྒྱུར།
      ད་ལོ་ནི་མི་དམངས་སྲིད་གྲོས་དབུ་བརྙེས་ནས་ལོ་ངོ་༧༠འཁོར་བའི་ལོ་རེད། གྲོས་འགོ་བཏོན་པ་དང་གྲོས་མོལ་བྱ་རྒྱུ་ནི་མི་དམངས་སྲིད་གྲོས་ལམ་ལུགས་ཀྱི་མངོན་གསལ་དོད་པའི་ཁྱད་ཆོས་ཤིག་རེད།

       ན་ནིང་ནས་བཟུང་ཧུའུ་པེ་ཞིང་ཆེན་གྱིས་ཨུ་ཡོན་གྱི་འགན་སྒྲུབ་གསོ་སྦྱོང་ལ་ཤུགས་སྣོན་རྒྱག་པ་དང་། ཨུ་ཡོན་སྣེ་ཁྲིད་ནས་ཨུ་ཡོན་གྱི་ལས་ཀ་ཡག་པོ་གཉེར་ཡོད། དེས་སྐབས་འདིའི་གསར་དུ་བདམས་ཐོན་བྱུང་བའི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཡོན་ཀྲི་མིང་ལ། གྲོས་འགོ་བཏོན་པའི་ལས་དོན་ཐད། ལས་ཀ་སྤེལ་རྒྱུ་མང་ཆེ་བ་བརྟག་དཔྱད་ཞིབ་འཇུག་བྱ་རྒྱུ་དེ་ཡིན་པའི་མྱོང་ཚོར་བྱུང་ཡོད།

       ཁོང་གིས། ཨུ་ཡོན་རེ་རེའི་འགན་སྒྲུབ་དང་འགན་འཁྲི་འཁུར་བའི་གནས་ཚུལ་ལ་དཔྱད་ཞིབ་བྱེད་སྐབས། གྲོས་འགོ་བཏོན་པའི་འབོར་གྲངས་ལ་ལྟ་རྒྱུ་མེད་པ་དང་། དེའི་སྤུས་ཚད་ལ་ལྟ་དགོས། གྲོས་འགོ་བཟོ་རྒྱུ་དེ་ནི་ཨུ་ཡོན་རེ་རེས་རྒྱལ་ཁབ་ཀྱི་རྒྱལ་ཚུལ་ལ་སློབ་སྦྱོང་དང་རྒྱུས་མངའ་སྔར་ལས་ལྷག་པ་བྱེད་པའི་བརྒྱུད་རིམ་ཞིག་རེད་ཅེས་ངོས་འཛིན་བྱས་ཡོད།

       རྒྱལ་ཡོངས་སྲིད་གྲོས་ཀྱི་ཨུ་ཡོན་ཧོང་ལིས་མིན་གྱིས། གང་ཞིག་ལ་ཀྲུང་གོའི་སྐད་སྒྲ་ཡག་ཤོས་རེད་ཟེར་ན། དེ་ནི་ལྟེ་བར་གཞིགས་པ་དང་གནས་བབ་ཧྲིལ་པོར་ཞབས་ཞུ་སྒྲུབ་པའི་ཐད་ཁྱེད་ཀྱིས་ཇུས་ཡག་པོ་ཞིག་འདོན་ཐུབ་པ་དང་། རྒྱལ་ཁབ་ཀྱི་ལས་དོན་ཆེན་མོར་སྐུལ་མ་དང་རེ་འབོད་བྱེད་ཐུབ་པ་དེ་ཡིན། རྩ་བའི་ཐོག་ནས་བཤད་ཚེ། འགག་རྩའི་གནད་མཐོང་ཐུབ་པ་ནི། ལས་ཀར་བྱེད་ནུས་ཡོད་པ་དང་། ཕན་འབྲས་ཡོད་པ་ཞིག་རེད་ཅེས་གསུངས་འདུག

       རྒྱལ་ཡོངས་སྲིད་གྲོས་ཀྱི་ཨུ་ཡོན་ཡང་ཀྲེན་པིང་གིས་སློབ་གསོའི་ལས་དོན་སྤེལ་ནས་ལོ་ངོ་༣༠ལྷག་སོང་ཡོད། ཁོང་གིས། ད་ལོ་སློབ་ཆེན་སློབ་མའི་ནང་གི་ཉམ་ཆུང་ཁྱུ་ཚོགས་ལ་སེམས་འཁུར་བྱ་རྒྱུ་དེ་གཙོ་གནད་ཐོག་བཞག་རྒྱུ་ཡིན་པ་དཔེར་ན། དཔལ་འབྱོར་ལ་དཀའ་ངལ་ཡོད་པའི་སློབ་མ་དང་། དབང་པོ་སྐྱོན་ཅན་གྱི་སློབ་མ་སོགས་ཀྱི་གསོ་སྦྱོང་དང་སློབ་གསོའི་ལས་དོན་ལ་ཤུགས་སྣོན་རྒྱག་རྒྱུ་ཡིན་ཞེས་བསྟན་འདུག

       རྒྱལ་ཡོངས་སྲིད་གྲོས་ཀྱི་ཨུ་ཡོན་ཝུའུ་ཁྲུན་མའེ་ཡིས། སྔར་ལས་ཆེ་བའི་ཁྱབ་ཁོངས་ནང་ཀུན་ཕན་རང་བཞིན་གྱི་བུ་བཅོལ་ཁང་གོང་འཕེལ་གཏོང་བ་དང་། བྱིས་དུས་སྐབས་སུ་བདེ་སྐྱིད་ལ་རོལ་ཐུབ་རྒྱུར་མངོན་གྱུར་ཡོང་ཐུབ་པ་བྱ་རྒྱུའི་རེ་བ་བསྟན་ཡོད།
རྩོམ་སྒྲིག་པ། སྣང་རྡོ།