བཀྲ་ཤིས་ཀྱིས་རྒྱལ་ཡོངས་ཀྱི་ཚོགས་འདུ་གཉིས་ཀྱི“ཨུ་ཡོན་བགྲོད་ལམ”དུ་སྨྱན་སྦྱོར་གྱི་དྲི་བར་ལན་བཏབ་པ།
སྤེལ་དུས 2019-03-10
ཡོང་ཁུངས། མི་དམངས་ཉིན་ཚགས།
རྩོམ་པ་པོ།
ཟླ་3ཚེས་9ཉིན་གྱི་ཆུ་ཚོད་14ཡི་ཐོག མི་དམངས་ཚོགས་ཁང་ཆེ་མོའི་ཚོམས་ཆེན་བྱང་མར་རྒྱལ་ཡོངས་སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་གཉིས་པའི་“ཨུ་ཡོན་བགྲོད་ལམ”གྱི་ཐེངས་གཉིས་པའི་གཅིག་སྡུད་བཅར་འདྲིའི་བྱེད་སྒོ་སྤེལ་བ་རེད། བོད་ནས་ཡིན་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་། ཆབ་མདོ་གྲོང་ཁྱེར་སློབ་ཆུང་དང་པོའི་དགེ་རྒན་བཀྲ་ཤིས་ཀྱིས་“ཨུ་ཡོན་བགྲོད་ལམ”དུ་ཕེབས་ནས་་གསར་འགོད་པའི་བཅར་འདྲི་དང་ལེན་གནང་བ་རེད། ཁོང་2018ལོར་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་སྒྲོལ་དཀར་གྱིས་“འཐུས་མིའི་བགྲོད་ལམ”དུ་བསྐྱོད་རྗེས་ཀྱི། “ཨུ་ཡོན་གྱི་བགྲོད་ལམ”ཐོག་བསྐྱོད་མཁན་བོད་ནས་ཡིན་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་པོ་དེར་འགྱུར་པ་རེད། ཁོང་གིས་མ་འོངས་པར་མུ་མཐུད་དངོས་གནས་དྲང་གནས་ངང་སློབ་གསོའི་བྱ་གཞག་ལ་རང་ནུས་ཅི་ཡོད་སྐྱེས་སུ་འབུལ་རྒྱུ་ཡིན་ཞེས་བསྟན་པ་རེད་།
གསར་འགོད་པ་ཞིག་གིས། “ད་ལྟ་བྱིས་པ་ཚོ་སློབ་གྲྭར་འགྲོ་བའི་ཆ་རྐྱེན་ཇི་འདྲ་ཡོད་དམ། ལོ་དེ་དག་ནང་སློབ་གྲྭར་འགྱུར་ལྡོག་གང་བྱུང་ཡོད་དམ།”ཞེས་དྲིས་པར། བཀྲ་ཤིས་ཀྱིས་བོད་སྐད་ཐོག་ནས་ང་ཡོད་སའི་སློབ་གྲྭ་དེ་1990ལོར་བཙུགས་པ་དང་། སྐབས་དེ་དུས་དགེ་རྒན་8དང་། སློབ་མ་108 སློབ་གྲྭའི་ཐོག་ཁང་གཅིག་བཅས་ལས་མེད། ད་ལྟ་སློབ་གྲྭའི་ནང་དགེ་རྒན་155དང་། སློབ་མ་2112 ཐོག་བརྩེགས་ཅན་གྱི་སློབ་འཁྲིད་ཁང་ཆེན་གསུམ་བཅས་ཡོད་ལ། དེང་རབས་ཅན་གྱི་སློབ་ཁྲིད་སྒྲིག་ཆས་ཀྱང་ཆ་ཆང་ལྡན་ཡོད་ཅེས་ལན་བཏབ།
བཀྲ་ཤིས་ཀྱིས། རྒྱལ་ཁབ་ཀྱིས་ལོ་ལྟར་མ་དངུལ་འབོར་ཆེན་བཏང་ནས་མཐའ་མཚམས་ཀྱི་གྲངས་ཉུང་མི་རིགས་ས་ཁུལ་གྱི་སློབ་གྲྭའི་ཆ་རྐྱེན་ལེགས་བཅོས་བཏང་བ་དང་། དཔེར་ན། བོད་ལྗོངས་སུ་ཞིང་འབྲོག་པའི་བུ་ཕྲུག་གིས་འོས་འགན་སློབ་གསོའི་“འགན་ལེན་གསུམ”གྱི་སྲིད་ཇུས་ལོངས་སྤྱོད་བྱས་ནས་ཟ་སྡོད་སློབ་གསུམ་གྱི་འགྲོ་སོང་ཚང་མ་འགན་ལེན་ཐུབ་ཡོད་ལ་ད་དུང་ཚོགས་སྒྲིག་རྣམ་པའི་སློབ་གསོའི་རོགས་སྐྱོར་དང་། ནང་སའི་བོད་ལྗོངས་འཛིན་གྲྭའི་སྲིད་ཇུས་སོགས་ཡོད་པ་རེད་ཅེས་བཤད།
བཀྲ་ཤིས་ཀྱིས། “ད་ལྟ། ང་ཚོའི་བོད་ལྗོངས་ཀྱི་རྒྱ་ཆེའི་གཞི་རིམ་གྱི་རྫོང་དང་ཤང་དང་གྲོང་རྡལ་གྲོང་ཚོ་གང་ཡིན་རུང་། ཆེས་མཛེས་སྡུག་ལྡན་པ་དང་། ཆེས་ཡག་ཤོས་ནི་སློབ་གྲྭ་ཡིན། སློབ་གསོའི་ལས་རིགས་ཀྱི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཞིག་ཡིན་པའི་ཆ་ནས། མ་འོངས་པར་ངས་མུ་མཐུད་དངོས་གནས་དྲང་གནས་ངང་སློབ་གསོའི་བྱ་གཞག་ལ་རང་ནུས་ཅི་ཡོད་སྐྱེས་སུ་འབུལ་རྒྱུ་ཡིན་ཞེས་བཤད་པ་རེད།
རྩོམ་སྒྲིག་པ། རྡོ་རྗེ།
