བོད་རང་སྐྱོང་ལྗོངས་གནམ་གཤིས་ཅུས་ཀྱིས“རྩ་ཁྲིམས་དྲིལ་བསྒྲགས་གཟའ་འཁོར”གྱི་བྱེད་སྒོ་རིམ་པ་སྤེལ་ནས་རྩ་ཁྲིམས་ཀྱི་སྙིང་སྟོབས་དར་སྤེལ་བྱས།
སྤེལ་དུས 2018-12-07
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། བྱམས་པས་བསྒྱུར།
ཟླ12ཚེས5ཉིན། ལྷ་ས་གྲོང་ཁྱེར་གཡུ་ཐོག་ལམ་དུ་གྲོང་མི་ཞིག་གིས་བོད་རང་སྐྱོང་ལྗོངས་གནམ་གཤིས་ཅུས་ཀྱི་རྩ་ཁྲིམས་དྲིལ་བསྒྲགས་འགྲེམས་སྟེགས་ཀྱི་མདུན་དུ་ནན་ཏན་གྱིས་ཁྲིམས་སྐྱོང་དྲིལ་བསྒྲགས་ཡིག་ཆ་ཀློག་བཞིན་པ།
ཀྲུང་གོའི་བོད་ལྗོངས་དྲ་བའི་འཕྲིན། ཟླ་12པའི་ཚེས་4ཉིན་ནི་རྒྱལ་ཁབ་ཀྱི་རྩ་ཁྲིམས་ཉིན་མོ་ཐེངས་ལྔ་པ་ཡིན་ལ། “རྩ་ཁྲིམས་དྲིལ་བསྒྲགས་གཟའ་འཁོར”ཐེངས་དང་པོའང་ཡིན། ཉིན་ཤས་བསྟུད་མར་བོད་རང་སྐྱོང་ལྗོངས་གནམ་གཤིས་ཅུས་ཀྱིས་རྩ་ཁྲིམས་ལ་སློབ་སྦྱོང་དང་དྲིལ་བསྒྲགས་སློབ་གསོའི་བྱེད་སྒོ་རབ་དང་རིམ་པ་སྤེལ་ཏེ། རྩ་ཁྲིམས་ཀྱི་སྙིང་སྟོབས་སྔར་བས་དར་སྤེལ་བྱེད་པ་དང་། གནམ་གཤིས་སྡེ་ཚན་གྱི་རྒྱ་ཆེའི་ལས་བྱེད་ལས་བཟོ་བས་རྩ་ཁྲིམས་ཀྱི་སློབ་སྦྱོང་ལ་སྐུལ་འདེད་དང་རྩ་ཁྲིམས་གོང་བཀུར། རྩ་ཁྲིམས་བརྩི་སྲུང་གི་བྱེད་སྒོ་གཏིང་ཟབ་ཏུ་སྤེལ།
ཟླ་12ཚེས་5ཉིན། རང་སྐྱོང་ལྗོངས་གནམ་གཤིས་ཅུས་ཀྱིས་ལས་དོན་མི་སྣ་རྩ་འཛུགས་བྱས་ཏེ་ལྷ་ས་གྲོང་ཁྱེར་གཡུ་ཐོག་ལམ་དུ་རྩ་ཁྲིམས་དྲིལ་བསྒྲགས་བྱེད་སྒོ་སྤེལ་བ་རེད། ལས་དོན་མི་སྣས་བོད་རྒྱ་ཡིག་རིགས་གཉིས་ཀྱི་རྩ་ཁྲིམས་སྐོར་གྱི་དཔེ་དེབ་དང་གནམ་གཤིས་བཅའ་ཁྲིམས། ཁྲིམས་སྲོལ་སོགས་ཁྲིམས་སྐྱོང་དྲིལ་བསྒྲགས་ཡིག་ཆ་བཀྲམས་ནས། ཕར་འགྲོ་ཚུར་འོང་བྱེད་པའི་གྲོང་མི་རྣམས་ལ་ཁྲིམས་ལུགས་ཁྱབ་གདལ་དང་དྲིལ་བསྒྲགས་སློབ་གསོ་བཏང་བ་མ་ཟད། བཅའ་ཁྲིམས་ཀྱི་བློ་འདྲི་སྟེགས་བུ་བཀོད་སྒྲིག་བྱས་ནས་རྒྱ་ཆེའི་མང་ཚོགས་ཀྱི་འབྲེལ་ཡོད་གནམ་གཤིས་བཅའ་ཁྲིམས་དང་ཁྲིམས་སྲོལ་བློ་འདྲི་ལ་དེ་མུར་ལན་བསྐྱོན། དུས་མཚུངས་སུ་དྲིས་ལན་བྱ་དགའ་སྤྲོད་པ། དྲིལ་བསྒྲགས་ཡིག་ཆ་བཀྲམས་པ་སོགས་མང་ཚོགས་རྣམས་སྤྲོ་མོས་ཡོད་པའི་བྱེད་ཐབས་སྤྱད་ནས། གནམ་གཤིས་ཀྱི་ཤེས་བྱ་ཁྱབ་གདལ་སྒྲོག་འགྲེལ་དང་གནོད་འགོག་གེགས་སེལ་གྱི་འདུ་ཤེས་ལ་ཤུགས་བསྣན་པས། འགྲོ་འོང་བྱེད་པའི་མང་ཚོགས་རྣམས་ཧུར་ཐག་གིས་ཟབ་ཞུགས་བྱས་པ་དང་མཐའ་གཅིག་ཏུ་གདེང་འཇོག་བཟང་པོ་ཐོབ།
གཞན་ཡང་། རང་སྐྱོང་ལྗོངས་གནམ་གཤིས་ཅུས་ཀྱིས་ད་དུང་ཏང་ཙུའུ་ལྟེ་བའི་ཚོགས་ཆུང་གིས་གཅིག་སྡུད་ཀྱིས་རྩ་ཁྲིམས་ལ་སློབ་སྦྱོང་ཐེངས་གཅིག་དང་། རྩ་ཁྲིམས་ལ་དམ་བཅའ་འཇོག་པའི་བྱེད་སྒོ་ཐེངས་གཅིག་དང་། རྩ་ཁྲིམས་ཀྱི་ཤེས་བྱའི་རྒྱུགས་སྤྲོད་ཐེངས་གཅིག རྩ་ཁྲིམས་ཤེས་བྱའི་འཆད་ཁྲིད་ཐེངས་གཅིག་བཅས་“གཅིག་རེ་བཞིའི་”རྩ་ཁྲིམས་སློབ་སྦྱོང་དང་དྲིལ་བསྒྲགས་བྱེད་སྒོ་རྩ་འཛུགས་བྱས། རྒྱ་ཆེའི་ལས་བྱེད་པ་དང་ལས་བཟོ་པས་རྩ་ཁྲིམས་ཀྱི་འདུ་ཤེས་ལ་ཤུགས་བསྣན་པ་དང་། རྩ་ཁྲིམས་བརྩི་སྲུང་ལ་སྣེ་ཁྲིད་པ་དང་རྩ་ཁྲིམས་ཀྱི་དབང་གྲགས་ལ་སྲུང་སྐྱོབ་བྱས། དུས་མཚུངས་སུ་གནམ་གཤིས་དེང་རབས་ཅན་དུ་འགྱུར་བའི་འཛུགས་སྐྲུན་རྟེན་གཞི་བྱས་ཏེ། རྩ་ཁྲིམས་སློབ་སྦྱོང་གི་གྲུབ་འབྲས་དེ་གནམ་གཤིས་ལས་དོན་ཁྲོད་བེད་སྤྱད་ནས། བོད་ལྗོངས་ཀྱི་གནམ་གཤིས་ལས་དོན་གྱི་གོང་འཕེལ་བསྒྱུར་བཅོས་ལ་མཛུབ་སྟོན་དང་། གནམ་གཤིས་ཁྲིམས་སྐྱོང་འཛུགས་སྐྲུན་ལ་ཁྱོན་ཡོངས་ནས་སྐུལ་འདེད་བཏང་།
བོད་རང་སྐྱོང་ལྗོངས་གནམ་གཤིས་ཅུས་ཀྱི་ལས་དོན་མི་སྣས་ཁྲིམས་སྐྱོང་དྲིལ་བསྒྲགས་རྒྱུ་ཆ་འགྲེམས་བཞིན་པ།