དཀར་མཛེས་ཁུལ་གྱི་རི་ཀླུང་ཡུལ་སྐོར་དུས་ཆེན་དང་སྐབས་གསུམ་པའི་ཉག་ཆུ་རྫོང་གི་བེ་ཤ་དུས་ཆེན་གཏོང་འགོ་འཚུགས།
སྤེལ་དུས 2018-09-18
ཡོང་ཁུངས། ཁམས་པའི་དྲ་བ།
རྩོམ་པ་པོ། སངས་སྐྱབས་ཀྱིས་བསྒྲིགས།
ཉེ་སྔོན། ཀྲུང་གོའི་བེ་ཤའི་ཆོལ་ཁ་ཞེས་མཚན་སྙན་ཡོད་པའི་ཉག་ཆུ་རྫོང་དུ་གླུ་གར་གྱི་ཁྲོད་དུ་དཀར་མཛེས་ཁུལ་གྱི་རི་ཀླུང་ཡུལ་སྐོར་དུས་ཆེན་དང་སྐབས་གསུམ་པའི་ཉག་ཆུ་རྫོང་གི་བེ་ཤ་དུས་ཆེན་གྱི་རིག་རྩལ་བྱེད་སྒོ་རབ་དང་རིམ་པ་རྫོང་གི་སློབ་འབྲིང་དུ་གཏོང་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། དུས་ཡུན་ཉིན་གཉིས་ཀྱི་བེ་ཤ་དུས་ཆེན་ནང་ཉག་ཆུ་རྫོང་གིས་འགོ་ཚུགས་མཛད་སྒོ་དང་ཉག་ཆུ་རྫོང་གི་སྐོར་བྲོ་འཁྲབ་སྟོན་འགྲན་བསྡུར། ཐང་ཆེན་སྐོར་བྲོ་འགྲན་བསྡུར། བེ་ཤ་རྟགས་མའི་གླུ་འགྲན། བཅོས་བསྒྱུར་སྒོ་འབྱེད་བྱས་ནས་ལོ་བཞི་བཅུ་འཁོར་བར་དྲན་གསོ་ཞུ་བའི་རིག་གནས་དམངས་ཕན་འཁྲབ་སྟོན་དང་བྱ་དགའ་སྤྲོད་པའི་དགོངས་ཚོགས་སོགས་བྱེད་སྒོ་ཆེན་པོ་བཞི་གྲ་སྒྲིག་བྱས་ཡོད་པ་རེད། བྱེད་སྒོ་རབ་དང་རིམ་པ་སྤེལ་ནས་མི་ཉག་རིག་གནས་དང་འདྲ་པའི་རིག་གནས། ཁམས་པའི་ཕོ་རྒོད་རིག་གནས། བེ་ཤ་རིག་གནས། ཚོང་འདྲེན་བརྡལ་ལམ་རིག་གནས་སོགས་ལོ་རྒྱུས་རིག་གནས་གཏིང་ཟབ་སྟོན་ལ་བྲོ་གར་གྱི་རྣམ་པའི་ཐོག་ནས་ཉག་ཆུ་རྫོང་གི་རིག་གནས་དང་དཔལ་འབྱོར། སྤྱི་ཚོགས་འཕེལ་རྒྱས་ཡོང་བའི་རྣམ་པ་མངོན་སྟོན་བྱས་པ་རེད།
ཞིན་ཧྭ་གསར་འགྱུར་ཁང་དང་རྒྱལ་སྤྱིའི་ཐད་གཏོང་། སི་ཁྲོན་བརྙན་འཕྲིན་ས་ཚུགས། སི་ཁྲོན་གསར་འགྱུར་དྲ་བ་། དཀར་མཛེས་ཉིན་རེའི་ཚགས་པར་སོགས་སྨྱན་སྦྱོར་གྱིས་ཐེངས་འདིའི་འགོ་ཚུགས་མཛད་སྒོའི་གནས་ཚུལ་དྲིལ་བསྒྲགས་བྱས་པ་རེད། ངེད་གསར་འགྱུར་ཁང་གིས་གསར་འགྱུར་སྨྱན་སྦྱོར་གསར་པ་ཁམས་པའི་བོད་ཡིག་འཕྲིན་སྦྱོར་དང་ཉག་ཆུ་རྫོང་ཏང་ཨུའི་དྲིལ་བསྒྲགས་པུའུ་ཡིས་རྒྱ་བོད་སྐད་གཉིས་ཐོག་ནས་ཐད་གཏོང་བྱས་པ་རེད།