ཀྲུང་དབྱང་དྲིལ་བསྒྲགས་པུའུ་དང་རྒྱལ་ཁབ་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུད་ཀྱིས་མཉམ་དུ་རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་འཛུགས་སྐྱོང་ཚད་ལྡན་ཞེས་པ་ཡོངས་བསྒྲགས་བྱས་པ།
སྤེལ་དུས 2019-01-18
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
སྤྱི་ཚེས་15ཉིན་ཀྲུང་དབྱང་དྲིལ་བསྒྲགས་པུའུ་དང་རྒྱལ་ཁབ་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུད་ཀྱིས་མཉམ་དུ་རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་འཛུགས་སྐྱོང་ཚད་ལྡན་ཞེས་པ་ཡོངས་བསྒྲགས་བྱས་ནས། ལས་སྒོའི་དགོས་མཁོས་སྣེ་ཁྲིད་བྱེད་པ་དང་། རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་ལག་རྩལ་མ་ལག་གི་སྤྱིའི་སྒྲོམ་གཞི་དང་ནུས་པའི་བླང་བྱ། དྲ་བའི་བདེ་འཇགས། འཁོར་སྐྱོད་སྲུང་སྐྱོང་། ལྟ་སྐུལ་ཚད་ལེན་བཅས་ཐད་ཚད་ལྡན་བཟོས་པ་དང་། རྨང་གཞིའི་སྒྲིག་བཀོད་ཆ་སྦྱོར་དང་། འགག་རྩའི་དམིགས་ཚད། རྩིས་ལེན་ཚོད་ལྟ་བཅས་ཐད་བླང་བྱ་བཏོན་ཡོད། ཀྲུང་དབྱང་དྲིལ་བསྒྲགས་པུའི་མཛུབ་ཁྲིད་འོག རྒྱལ་ཁབ་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུད་ཀྱིས་ད་དུང་རླུང་འཕྲིན་བརྙན་འཕྲིན་ལས་སྒོའི་ཚད་གཞི་རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་དང་ཞིང་ཆེན་རིམ་པའི་ལག་རྩལ་སྟེགས་བུའི་ཚད་ལྡན་བླང་བྱ་ཞེས་པ་ཡོངས་བསྒྲགས་བྱས་པ་དང་། རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་ལས་སྒོ་གཉེར་རྒྱུས་དམིགས་ཡུལ་བྱས་ཏེ། ཞིང་ཆེན་རིམ་པའི་ལག་རྩལ་སྟེགས་བུར་ལྡན་དགོས་པའི་ཞབས་ཞུ་དང་ཡོ་བྱད། ནུས་པ་སོགས་ཐད་བླང་བྱ་བཏོན་པ་མ་ཟད། ཞིང་ཆེན་དང་རྫོང་རིམ་པ་གཉིས་ཀྱི་སྟེགས་བུའི་གྲངས་གཞིའི་མཐུད་སྣེ་གཏན་འབེབས་བྱས་ཡོད། ཚད་ལྡན་དང་ཚད་གཞི་དེ་གཉིས་པོས་ས་གནས་ཁག་ཏུ་རྫོང་རིམ་པའི་སྨྱན་སྦྱོར་མཉམ་འདྲེས་ལྟེ་གནས་དང་ཞིང་ཆེན་རིམ་པའི་ལག་རྩལ་སྟེགས་བུ་འཛུགས་རྒྱུར་མཛུབ་ཁྲིད་དང་གཞི་འཛིན་ས་མཁོ་འདོན་བྱ་རྒྱུ་ཡིན་པ་རེད།